Saturday, May 5, 2007

خالى من الكوليسترول






حد فاكر فيلم خالى من الكوليسترول بتاع اشرف عبدالباقى وإلهام شاهين و خلود...أنا شخصياً عجبنى الفيلم جداً مع انه من الافلام اللى فشلت سينمائياً فشل ذريع(نقد الفيلم من صديقى البراء أشرف) يمكن لآنه موجه قوى فى صميم اكل عيشى و هو الاعلانات و التسويق فا علشان كده عجبنى ...المهم نرجع لموضوع التدوينة و سبب نشوب الفكرة فى دماغى...



طبعت من يومين عدد 208 صورة من احلى ما صورت لعمر افندى الفترة اللى فاتت علشان يتأرشفوا فى البوم صوره الكبيرو خلال ترتيبى ليهم امبارح فى الالبوم لقيت ان فى صور كتير منها ليها علاقة بالتسويق ...ليها علاقة بالاعلانات...الله اعلم هل ده نتج عن انى انا اللى بصور فا غصبن عنى بروح بركز على الماركة الاعلانية
أو لانى انا اللى بتفرج على الصور فا عينى راحت برضه عليها فى الصور.
عامة انا هسيبكم مع المدونة المصورة دى برضه تتفرجوا على احدث اعلانات عمر افندى موديل الاعلانات الشهير

نبتدى بالمكان اللى ابوه بيشتغل فيه اى تو

و دى صورة سيريالية تانية من بره زجاج السيارة الامامى و يظهر بها لوجو الشركة متعلق فى المرايا

كارفور المعادى

داليدريس فى سيتى ستارز

و منساش نوكيا مع جده

كمان شارك الاهلى احتفالاته بالمئوية

جينو كارينوز مصر الجديدة - احدى مطاعم سلسلة تروبيكانا

سوبارو الهرم -احدث مطاعم البيتزا الايطالية فى مصر

مطعم ستوديو مصر احد مطاعم سلسلة تروبيكانا



و الموديل الجامد بتاعنا اصر انه يشارك بنفسه فى حملة التوحيد و النور فى افتتاح فرعه الجديد بفيصل و دى صورة من قلب الموقع اثناء تفقده لاقسام المحل الجديد.


شاركونى برأيكم و تعليقاتكم على الصور كلها ... وهل عمر افندى ينفع موديل اعلانات ولا لآ... علشان لو كده نقدمله فى كاست اجينسى و لو ربنا كرمه موش هينساكم صدقونى دا ابنى و انا عارفه.

8 comments:

Anonymous said...

ايه يا عم الاعلانات دى...عجبنى قوى بتاع التوحيد و النور لقربه من الطبقة الكادحة

محمود طنطاوى

Anonymous said...

hwa ynf3 yb2a fe model ykhtaf el 3en 3n el brand nfso ya ostaz.
bs latifa el fekra w try b3d kda kol matsawer mkan tesawer m3ah el brands de, i think enha betefr2 b3d kda wen watching the pictures

يلا مش مهم said...

عابدين ام الموسكي
ليه ما شوفناش الموديل بتاعنا عند فول الجحش في السيدة
او بيشتري بومب من الموسكي
او قاعد في فرح التوحيد والنور الاصلي في عابدين
مش كوتيجانو وسبارو وابصر ايه
يا عم خللي الولا يطلع ابن بلد
مش ابن ذوات
علي فكرة في حاجة اسمها ذوات الاربع
لازم نرحمهوم ونعطف عليهم
ويللا مش مهم

Anonymous said...

المدونه كويسه بس مش جامده زي الباقيين يا بو عمر

عموما من اول وهله افتكرت انك بتعمل اعلان للشركات :)

احلم معايا said...

ياعم الواد اسمه براند لوحده"عمر افندي"...........فاكيد مش غريبة انه يكوبراند مع التانين...بس اهم حاجة لازم يحافظ على قوة البراند بتاعه لانه هو الاصل والباقي تقليد ...حتة تسويق وربنا يخلي

البراء أشرف said...

ههههههههه

حلوة الفكرة قوي

والصور كمان

Anonymous said...

بلاش عمر يبقى افندى عمر عشان كان افندى باعوه خلى عمر ابنك عمر باشا وهو فى الاعلانات هايل بس انتى اللى بتزقه بقوه ناحية المطاعم
يا ابو عمر

Anonymous said...

عبدالناصرقناوى