عمر أفندي: قصاص

Thursday, March 15, 2007

قصاص

قصاص

عايز اقولك انى عمرى ما فكرت يوم انى هعمل مدونة ...بس حسيت انى لما هعمل كدة ممكن اعبر من مدى الحزن الشديد اللى انا فيه على فراقك...

يمكن ميوصلكشى الكلام ده بس بجد و الله يا قصاص كم يحزننى فراقك

انا موش بعرف اكتب يا جماعة ولا بعرف اقول كلام منمق بس بجد انا عملت المدونة دى مخصوص علشان اقول لقصاص انك هتوحشنى و انى بدعى من كل قلبى ان ربنا يرجعك و تعود لوالدك و والدتك و خطيبتك سالم غانم .

قصاص يا جماعة هو اللى عمرنا ما ندخل عند اى حد من اصحابنا و نفتكر نشتريله حاجة غير ما يكون هو اللى فاكر حاجة زى كده...قصاص هو اللى كان بيتابع معايا حاله والدى المرضية (رحمه الله) لمدة عام كامل بكل تفاصيلها الصغيرة و الكبيرة اكتر من لما كان محمد اخويا بيعمل .

قصاص اللى عند وفاة والدى ملقيتشى حد ابعتله رساله ابلغه غيره و على بعد 220 كيلوا و لقيته اول الموجودين فى صلاة الجنازة و اخر من غادر المقبرة معى...و هو من قام بلغ كل اصحابى و لقيتهم حواليا بيدعمونى ...

قصاص هو اخر واحد زارنى فى بيتى و صينية البسبوسة اللى جابهالى و هو جاى لسه مفتحتهاش لحد دلوقتى

و الله يا محمد علشان حب الناس دا ليك ربنا هيرجعلك لينا و فى اقرب فرصة

لسه موش عارف هعمل ايه تانى بالمدونة دى بعد كده بس انا كده عامة ارتحت

أبو عمر

6 comments:

الكواكبي said...: بيني وبينك يا باسم قصاص يستاهل اكتر من مدونة
بس يبك انت . . واضح ان صينية البسبوسة عملت معاك شغل جامد طحن لدرجة انك تخرج من مكمنك وتدون
انا عايزك تراجع نفسك وتحدد المدونة دي علشان البسبوسة ولا قصاص :)
دايماً في القلب يا قصاص
دايماً في القلب يا ثقباوية; March 15, 2007 at 10:56 AM
Anonymous said...: قصاص قلب كبييييييييييييير بكل معنى الكلمة; March 15, 2007 at 11:40 AM
Anonymous said...: This comment has been removed by a blog administrator.; March 15, 2007 at 5:00 PM
Anonymous said...: خطوة جريئة من صديق مخلص لصديقه الذي اعتبره أكثر من أخ.
نسأل الله أن يفرج الكرب عن القصاص وكل من معه في السجون
اشتدي أزمة تنفرجي

قد آذن ليلك بالبلج

أخوك/ محمد فتحي; March 18, 2007 at 2:15 PM
يلا مش مهم said...: انا بعد ما اشتغلت في الشركة بتاعتكدبة وانا قلت خلاص بقي باسم نفسه كبرت غلينا وكمان بطل يخش في الغميق علشان شغله بس بعد المدونة دية اكتشفت اني كنت علي غلط وان باسم اكبر من مما كنت اتصور
وانه مهما انشغل في الدنيا هايفضل فيه حتة تلعلع لما الخبط يزيد
الف مبروك وصدقني انا سعيد جدا
والقصاص مش هاتكلم عنه لاني مش عاوفيه حقه; March 19, 2007 at 5:06 PM
محمد القصاص said...: السلام عليكم ورحمة الله و بركاته
آسفة إذا كان ردى تأخر على مدونة حضرتك بس أنا اول مرة اشوفها انهاردة
تأكد حضرتك إن انا هاوصله كلامك بإذن الله و جزاكم الله خيرا على اللى حضرتك كتبته...و متنساهوش فى دعائك

خطيبة القصاص; April 8, 2007 at 7:36 PM

Post a Comment

استغفروا الله كثيرا يا جماعة

عَنْ أَنَسِ بْنِ مَالِكٍ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "وَالَّذِي نَفْسِي بِيَدِهِ أَوْ قَالَ وَالَّذِي نَفْسُ مُحَمَّدٍ بِيَدِهِ لَوْ أَخْطَأْتُمْ حَتَّى تَمْلَأَ خَطَايَاكُمْ مَا بَيْنَ السَّمَاءِ وَالْأَرْضِ ثُمَّ اسْتَغْفَرْتُمْ اللَّهَ عَزَّ وَجَلَّ لَغَفَرَ لَكُمْ وَالَّذِي نَفْسُ مُحَمَّدٍ بِيَدِهِ أَوْ وَالَّذِي نَفْسِي بِيَدِهِ لَوْ لَمْ تُخْطِئُوا لَجَاءَ اللَّهُ عَزَّ وَجَلَّ بِقَوْمٍ يُخْطِئُونَ ثُمَّ يَسْتَغْفِرُونَ اللَّهَ فَيَغْفِرُ لَهُمْ".

Thursday, March 15, 2007

قصاص

6 comments:

انا مين

رابطة محبى عمر أفندى و ابووه

آلاء...أختى الصغيرة وإبداعاتها

استغفروا الله كثيرا يا جماعة

التليفزيون الاسلامى

أنا فخور انى مصرى

رالف و.امرسون

أشهدكم انى احب هذا الرجل فى الله

نكبة فلسطين

اضغط على الصورة وشارك فى جروب محبى عمر افندى على الفيس بوك

قصة حب عمر افندى

برنامج شباب ياهوو على قناة عين الفضائية (الجزء الاول)

برنامج شباب ياهوو على قناة عين الفضائية (الجزء الثانى)

تابع رحلة بيروت مع ابو عمر

كل اللى فات

رسالة إلي إبنى فى يوم مولده

الحب النقي

اسكندرية

الكوباية المليانة

إقرأ جزيرة النخيل فى دبي

عدد من شرف الموقع بالزيارة

اللى شرفونى النهاردة بس