Thursday, September 13, 2007

رمضان من السودان





كل عام و انتم بخير بمناسبة شهر رمضان المعظم اعاده الله علينا جميعا بالخير و اليمن و البركات

خلونى افضفض شوية علشان انا مبقوق (مصطلح يطلق فى لحظة غيظ شديد) مبوقوق من السودان و السودانين فى رمضان...

ابدأ منين...

خلينا نبدأ من استقبال الشهر اصلاً ...عادى ...يعنى ايه عادى؟؟؟ يعنى عادى ...عادى بكل ما تحمل الكلمة من معانى...يعنى مفيش تهانى و لا فرحة...مفيش زينة بالشوارع نهائيا...مفيش فانوس منور فى شارع واحد يوحد ربنا....مفيش لمبة على جامع...مفيش فرع نور فى حارة ....كل المعالم الجميلة اللى بتحسسك ان اه فى حاجة حصلت فى شهر كريم هل فى مناسبة عظيمة على الابواب...مفيش...كل شىء (عادى)

حتى الناس ...فى جملة فى مصر بتسمعها موش اقل من مليون مرة فى اخر اربع خمس ايام فى شعبان و اول اربع خمس ايام فى رمضان ...اى حد يشوفك يقولك رمضان كريم يا عم باسم و انتا تقوله الله اكرم يا حتومة...كل الناس بتقول لبعض رمضان كريم ...الله اكرم ...كل الناس بتهزر مع بعض و بتقول هتصوم ولا زى كل سنة.. و التانى يرد بابتسمامة و يقوله طبعا زى كل سنة...كل الناس بتقول لبعض كل سنة و انتا طيب ....

و انا شغال فى الاى ار تى لمدة خمس سنوات ...كانت فى عادة جميلة قوى و دى الاى ار تى يعنى ممكن الناس تقول دى مؤسسة اعلامية و ملهاش فى الدين...كان المينى الرئيسى 6 ادوار و فيه ما لا يقل عن 300 موظف و كان اخر يوم فى شعبان معظم الموظفين بيلفوا على المكاتب لمجرد تقديم التهانى لبعضهم حتى لو مكنتش اعرف المكتب ولا الناس اللى فيه كنت بعدى عليه و هو بدوره بيعدى علينا فى مكتبنا...وفى اى تو مصر كان العدد اقل فا كنا كلنا بنهنى بعض و الشركة كمان بتظبطنا بشنطة ياميش محترمة و لو مفيش ياميش فى منحة اسمها منحة رمضان....انما هنا...عادى مفيش اى حاجة ...

SMS

انا جالى لحد دلوقتى 132 رسالة تهنئة برمضان على موبايلى السودانى و فى 23 واحد بعتولى على موبايلى المصرى اعتقادا انى لسه فى مصر و هو علشان معايا فى السودان و فاتحه فا وصلونى....مفيش فيهم رسالة واحدة من شخص سودانى....موش كلاللى بعتولى من مصر فيهم من مصر و من السعودية و من الكويت و من الامارات و من امريكا و من المغرب ...لكن ان سودانى يبعتلك رسالة يحسسك انه فى رمضان هنا ...لا ابدا

افضل الرسائل اللى جتلى هستعرضها معاكم برضه على السريع

فاطمة نور الدين من مصر
" أسأل الله الذى اخرج ماء زمزم فرجا لهاجر ان يخرج لك فرجا و بركهو سعادة لا شقاء بعدها و ان يعفو عنك و يجعلك من عتقائه من النار و ان يختصك من بين خلقه فى شهر رمضان و يقول و عزتى و جلالى لا ارد لك دعوة"

محمد الشحات من السعودية
"أسأل الله ان يعطيك اطيب ما فى الجنة (محبة الله)وان يريك اجمل ما فى الجنة(رؤية الله)و ان ينفعك بانفع الكتب(كتاب الله)وان يجمعك بسيد الخلق(رسول الله)صلى الله عليه و سلم و كل عام و انت بخير.

دكتور احمد عبدالعاطى من الجزائر(و دى رسالة لمستنى جدا)
"رمضان كريم بكل حب و شوق و أمل فى لقاء بالفردوس الاعلى نستقبل رمضان مفتقدين احبة كنا نحب ان نكون معهم و لكن حسبنا اتصال القلوب و دعاء بقبول الطاعات احمد و الاسرة"



خالد الحداد من السعودية (و دى اظرف رسالة جتلى السنة دى)
"يا مشمش قلبى يا بلح حياتى يا كنافة عمرى كل رمضان و انتى قمر الدين بحبك و بموووووت فيكى"


غالبا كان باعتها لمراته فى مصر بس و قال يتحى معايا و يبعتهالى انا كمان يمكن احب ابعتها لمراتى بس موتتنى من الضحك امبارح .

انا عايز عادل مسلم

ركبنا العربية ...تذمرت تذمرا‘ شديدا و قولت لمراتى مليش دعوة انا عايز عادل مسلم

دا اللى حصل بالضبط بعد انتهائنا من صلاة الترايح امس فى اول ليلة من ليالى رمضان....نجيب الحكاية من اولها ...ضربت الجلبية البيضة و البرفان الجامد و عمر افندى كذلك و نزلنا ثلاثتنا استقلينا السيارة البيضاء ايضا ..تقولشى ملائكة ..و انطلقنا فى شوارع الخرطوم بحثأ عن مسجد كويس نصلى فيه التراويح...وصلت لانظف مسجد تقريبا بالخرطوم خلف المطار و كانت المفاجأة..مفيش مكان للنساء, و المفاجأة التانية بيصلى بتلات اربع ايات و اقلب على الركعة اللى بعدها ...نزلت انا من العربية صليت العشا و رجعت خدنا بعضنا و انطلقنا جريا و بحثا عن مسجد اخر افضل شوية ...
وصلنا مسجد فى شارع عبيد ختم و دخلنا قولنا نصلى بقى و امرنا لله و فى خلال تلت ساعة كان الراجل مفور الثمان ركعات مل ركعة بتلات ابع ايات و مرواح يا ولاد..
دخلت عربيتى و قولت لمراتى مليش دعوة انا عايز عادل مسلم....
عادل مسلم ده قارئ فى المنصورة صوته ملائكى ...بيصلى بينا القيام هناك منذ اربع سنوات ...بيصلى بربع فى الركعة يعنى جزء فى الليلة ولا تحس بطول الصلاة من جمال صوته و خشوعك و عدم سرحانك و تركيزك فى الايات خلفه...المسجد نفسه بيطفى جميع الانوار ليزداد تركيزك و خشوعك معه...أذكر انى صليت خلفه منذ سنتان فى صلاة تهجد و قرأ سورة يوسف فى ركعة و لميتذمر احد و خرج الجميع من الصلاة كانهم كانوا فى حفلة سينما يشاهدون فيها قصة سيدنا يوسف عليه السلام من شدة تحكمه فى طبقات صوته و ارتفاعه و انخفاضه بحيث يجعلك تعيش داخل الايات بكل معانيها...

اللى يعرف عادل مسلم يقرؤه السلام و يقوله انى احبه فى الله و مفتقده جدا ...و مفتقد ياسر سلامة فى مصر و مفتقد الشيخ رجب فى الرواس اللى كان بيصلى بينا السنة اللى فاتت بجزئين و اكتر كمان فى الليلة و هو الشيخ الكبير و الضرير مع ذلك لا يمل الناس و لا يتذكروا بل بالعكس الاعداد بالاف موش صف و نص زى اللى حصل معايا امبارح....
صف و نص يا عالم فى رمضان...صف و نص فى الجامع اللى صليت فيه العشا و صفين و نص فى الجامع اللى صليت فيه القيام

فانوس عمر أفندى

خرجت من الجامع مخنوق و قررت انى لازم على الاقل اروح و انا جايب لعمر افندى فانوسه ...السنة اللى فاتت روحت كارفور و قولت اجيبله فانوس مختلف موش تقليدى ...و لقيت الصين عاملين بطة فرو ظريفة كده بتغنى مرحب شهر الصوم مرحب بتاعت العزيز عبدالعزيز محمود طيب الله ثراه فا جبتهاله احسن من الفانوس ...السنة دى بقى الف و انحل فى البلد امبارح انى الاقى وحد يا ناس بيبيع فوانيس ...اى فوانيس...لا ممكن ابدأ زهقنا من اللف و كبينا بنزين من الترمبة على حد قول السودانين لما تحب تمون عربيتك علشان نكمل بحثنا عن الفانوس السحرى لحد ملقينا اللى قدامكم فى الصورة دى

خلى بالكم انا تعمدت اصوره ابيض و اسود علشان هو موضة سنة 1920 تقريبا و يليق عليه الابيض و الاسود...فانوس صغير صفيح و بشمعة و بخمسة جنيه يعنى خمساتر جنيه مصرى ...الراجل قد يحس قد ايه انا مستاء منه بس ما باليد حيلة و كده فا عطانى الشمع هدية بدون ما ياخد فلوسه...مراتى فى العربية و احنا مروحين بتقولى دا مشكاة اصلا موش فانوس ...محاولتش اسألها يعنى ايه مشكاة و اقنعت نفسى ان هو ده الفانوس اللى اسماعيل ياسين حكه فى فيلمه الشهير اسماعيل ياسين و الفانوس السحرى و طلعله منه العفريت قاله (أؤمر يا مصطفى)

عمر افندى فضل يحك الفانوس مطلعشى حاجة فا بدأ فى تفكيكه لقطع للبحث عن العفريت

حتى الهلس يا ناس

حتى الهلس يا ناس موش موجود هنا....يعنى لا خيم رمضانية ولا سهرات ولا قهاوى ولا شيش ...يا جماعة الحياة هنا عادى ...انا موش بقول عايز اروح بس الروح نفسها بتاعت الشهر بصفة عامة موش موجودة ...انا بحكم شغلى فى التسويق و فى شركة كبيرة فا السنة اللى فاتت لبيت اكتر من دعوة لحضور سحور و فطار فى خيم زى عمر الخيام و سوليدير و سى عمر و سنجارية و غيره...فى رمضان حتى عند اللى بيهلوسوا و عارفينازاى يحيوه على طريقتهم الخاطئة..انما هنا حتى دى كمان موش عاملينها.


و كمان الياميش و المكسرات و الفرش الفظيع للمعروضات دى فى مصر امام المحلات و الهايبر ماركتس ...مفيش هنا غير صندوق بلح و شوية زبيب على مدخلكل سوبر ماركت و كان الله بالسر عليم

خاتمة


نهاية ادعو لنا بأن يوفقنا الله تعالى فى هذا الشهر و يتقبله مننا و اللى عايز يكتب كلمة يصبرنا بيها يكتب و اللى عايز يشمت فينا برضه يكتب و يطلعلنا لسانة علشان هو بيصلى ورا الشيخ رجب ولا الشيخ عادل...و كمان اللى عايز يدعى لوالدى(اللى على يمين الصورةو اللى على الشمال ده حبيبى عمو سيد حمايا) يا ريت ندعى لبابا من قلبنا فى وقت الافطار و القيام لانه كان راجل طيب رحمه الله و كان موجود معانا رمضان الماضى فخلينا كلنا نفكر و نشوف يا ترى مين فينا موش هيبقى موجود رمضان اللى جاى ...و لو انا طيب انا هعمل ايه بقى فى رمضان ده لو هو فعلا اخر رمضان ليا ...فكر فيها براحة و انتا هتعرف انتا عايز تعمل ايه كويس و هتشوف همتك عاملة ازاى.

و كل عام و انتم بخير

40 comments:

Anonymous said...

يا ابني أنا تعقدت من السودان خلاص مفيش حاجة عدلة فيها خالص...........الصبر ياااااااااا رب
أخوك
محمد فتحي

Daana said...

السلام عليكم و رحمة الله و رمضان كريم و تقبل الله منا و منكم. أولا بالنسبة للتهاني فده فعلا موضوع غريب لأن العادة تجري إن معظم الناس في السودان بتهنئ و بيحيبوا يتجمعوا مع بعض في كل المناسبات سواء كانت سعيدة أو غير ذلك و كون إنك لم تتلقى تهاني ما معناها إن الناس في مجملها لا تهنئ بالشهر الفضيل

تاني حاجة بالنسبة للجوامع فما عندي فكرة عن الخرطوم لكن أم درمان عامرة بجوامعها

تالت حاجة موضوع الزينات و الفوانيس و الخيم الرمضانية و..و..و أفتكر الحاجات دي عادات مصرية و ليس لها علاقة بالدين. يعني ما سمعت على زمن الرسول صلى الله عليه و سلم كان في حاجات زي دي و ما أفتكر الناس كانت محتاجة الحاجات عشان تحس بروح الشهر زي ما بتقول

أنا شخصيا عشت في الإمارات اربعتاشر سنة ما شفت فيها الحاجات اللي إنت بتفتكر إنها المفروض تكون موجودة. يعني بجد أنا مستغربة هل إنت بتفتكر إن السودان لازم يكون زي مصر بالكربونة عشان ترضى عن البلد أو تستسيغ فكرة العيش فيها. يا أخي ده الله سبحانه و تعالى خلق الناس و البلدان مختلفة نعمة منه. و أفتكر إن السودان لو ما فيه حاجة واحدة عدلة زي الأخ ما قال فده لأنه مر بظروف صعبة و لسنوات طويلة من الطبيعي تأثر في مناخ الحياة. و مع ذلك أفتكر إن حياتك في السودان و السودان نفسه ليس بالسوء اللي إنت مفتكره

Anas Emad said...

ربنا معاك

يا عيني

احاول اوصل سلامك لعادل مسلم .. اصلي من المنصورة ...

حاجة اتعقد ...

بس ممكن عندهم عادات تانية جميلة في الشهر ده احنا مش متعودين عليها

او ما نعرفهاش

حاول تعرفها ...

و ترجع بالسلامة

حقوق الضباط الإحتياط said...

كل سنه وانت طيب يا سى عمر انت والسيد الوالد ( ابقى وصله التهنئه يا سيد باسم)
الحمد لله على كل شىء يا سيدى وحاول بقى تقنع نفسك وخلاص انك فى رمضان
بس الصراحه السودان بنت عم مصر فاكيد يعنى فيها حاجة من مصر بس اكتشفها انت بقى
وبرضه كـــــل سنه وانت طيب

انا مش بتفلسف علي فكرة said...

السلام عليكم:
انا حاسة ان انتوا مش في السودان انتوا في المريخ مثلا بس بجد خلاص خدنا موقف من لاسودان والصومال بالمرة وعلشان خاطر عمر فندى جزر القمر
وتانى مرة ابقوا خدولوه فانوس من مصر والله بدل اللفه ديه كنتوا جيتوا مصر صلتوا التروايح واشتراتوا الفانوس ورجعتوا
كل سنه وانتوا طيبين والسنه الجاية يكون رمضان في مصر علشان خاطر عمر افندى

Anonymous said...

الاخ باسم الشربينى
السلام عليكم ورحمة الله
انا ما حدافع عن السودان والسودانيين , ولكن للامانه نحن السودانيين لست لدينا ما تتحدث عنه من العادات التى قد اعتبرها مصريه , لانى على الاقل لم اجدها فى الدول الخليجيه وعلى راسها السعوديه , اما نحن و بكل فخر تجدنا فى المساجد فى التروايح وفى قيام الليل حيث تمتلى المساجد بالمصليين , ويوسفنى ان تتحدث عن ان المساجد فى السودان تصلى بسرعه , وانت لا تستطيع ان تحكم على المساجد لانك زرت مسجدين , اما انا فا اقول لك انه اكثر من نصف المساجد فى الخرطوم تصلى بالجزء , ولدينا طفره فى بناء المساجد حيث هنالك العديد من المساجد النظيفه والمهيئه للصلاه و بها مصلى للنساء , و انا احترم فرق التحضر بين مصر والسودان ولاكن هذه هى حياتنا التى ارتضيناها لانفسنا نحن السودانيين , و انت تعلم االظروف التى كانت ومازالت تمر بالسودان , وظروف التشتت و الحروب التى تعصف بنسيجنا الاجتماعى , برغم كل هذه الظروف فنحن المسلمين و نفتح لهم ابوابا و قلوبنا , و لعلى الوم فى هذا المقام زملائك فى الشركه لانهم كان عليهم ان يدلوك على المساجد التى تصلى بالجزء و ( نظيفه )و الذى يقرا المقال يعتقد تماما ان السودان فيه مسجد واحد نظيف و مع ذلك فيه عيوب اخرى , عموما نحترم الراى و نتقبل الراى الاخر , و بالنسبه للهلس نحمدالله انو ما فيش هلس فى السودان وهذه شهاده منك نحن نعتز بها .

Anonymous said...

السلام عليكم أخي العزيز باسم يمكن دى أول مره أقرا لك بوست في مدونتك الجميله وبصراحه ميعجبنيش يمكن لاني حسيت أنه فيه بحث عن المظهرأكثر من المخبر يمكن
يمكن لانى حسيت أنك لم تأخد بالاسباب قبل الشهر بالسؤال عن مسجد يطيل الصلاه وأكيد هتلاقي
يمكن حتي وأنت بتحكى عن الهلس اللى انت مستنكره محمتش ربنا أنه غير موجود
يمكن
لانك حاولت تحسس قرائك أن رمضان فانوس وياميش اوحتى شيخ بيطول
لا يا بسوم رمضان شهر تقوي واحسان شهر تغيير للنفس من الداخل حتي ولو كنت وحدك وحبيبي باسم كما تعودنا منك دائما بدلا من أن تلعن الظلام الف مره أضئ شمعه
ويمكن حلقات أستاذنا الفاضل عمرو خالد تكون حل لك ولزوجتك (اعبدو ربنا سوا(
في الختام كل عام وأنت و الأسره وقرائك بخير وأرجو ألا تتضايق من صراحه رأيى والسلام

Anonymous said...

كل سنه وانت طيب ياباسم ورمضان كريم ياعم حاتم ثابت

Anonymous said...

السلام عليكم رمضان كريم و وحوى ياوحوى وجان شهر الصوم يا عم من سنين ورمضان جوانا بنعيشه ونحسه من غير مانشوفه بس انا عاذرك ليه اللمة والتراويح هو ده رمضانه- بس عارف انت كنت موجود معانا امبارح ليه كان فى ايهاب واحمد الدكرورى وعلى وبركات عندى فى البيت علشان كان عندنا ايه كنايفتك وقطايفتك بس من غيرك انت وفوزى بس جبنا فى سرتك وكمان دخل على المدونة العظيمة (عمر افندى) ودى مش اول مرة ادخل عليها بس كنت حابب اكون مطلع مش اكتر بس من امبارح كان لازم اشارك واقولك ان رمضان مع عمر والمام بتاع عمر احلى رمضان فى الدنيا ربنا يسعدكم كمان وكمان وياريت تبطل توصينى على امى سلام من اناس احبوك فى اللـه التوابتى

Anonymous said...

ربنا يعيمك ياباشا.....انا من ساعت ما قريت البوست امبارح وكل وا افتكرك وانت بتقول انكوا لابسين ابيض ق=في ابيض وعربية بيضه توقلش ملايكة اقعد اضحك جدا هاهاهاهاهاهاها.....ياعم باسم انت مفتقد مصر مش مفتقد رمضان .....الروح احلوة والتراويح والسهرات والفوانيس.....معلش ربنا يعينك بس اكيد زي ما الاخوة السودانين اللي علقوا هتلاقي مساجد بتصلي بجزء.....وياسيدي لو ما لقتش باذن الله هتؤجر بالنيه وابقى صلي مع عمر وام عمر .....ربنا يباركلك فيهم .....ورمضان كريم واحشني والله ياعم باسم كان نفسي نروح مع بعض الرواس ....الشيخ رجب مسافر السنه دي لكن خالد ابو شادي مكانه ومكسر الدنيا من اول يوم صلاة ودعاء وبكاء .....ماشاء الله المسجد مليان على الاخر شباب من كل حتة....كفايه كده لحسن تحسبني بغيظك مثلا يعني....واخير ...هوانت صايم ولا زي كل سنة

عمر أفندى و أبووه said...



السادة الافاضل

مبدئيا شكرا لكل من شكرنى على المدونة و هنانى برمضان...و شكرا تانية لكل من واسانى...و شكرا تالتة لكل من انتقدنى

نعم هذه هى حرية التعبير فى موقع عمر افندى و اللى يقول حاجة بيقولها بدون اى موانع...

الاخوة السودانين الافاضل...اود ان اوضح نقطة حتى لا يلتبس عليكم الامر فانا لم اكتب هذا البوست انتقادا ولا تذمرا على حياتى هنا بل بالعكس فانا احمد الله على ما نحن به من نعمة ..و لكن هذه مشاعرى التى اعتدت ان انقلها لكل اصدقائى من خلال هذا المنفذ كما هى و بدون تجميل او تقنين...مشاعرى و ليست فكرا او اصدارا لاحكام..

اخى و حبيبى سامر ...انا ليست باحظا عن الظاهر دون الجوهر ...بل بالعكس انا ابحث عن المسجد اللى بيصلى بجزء لانه فى صميم الجوهر فالرسول الكريم يقول(من قام رمضان ايمانا و احتسابا غفر له ما تقدم من ذنبه)
فهناك شرط الايمان و الاحتساب..و بالنسبة للزينات و الفانوس فهذه ممكن تكون عادات مصرية و لكنها عادات حميدة فهى عادات تظهر مناسباتنا الاسلامية و تحيها و تكون نوع من انواع نشر دعوتنا فى المجتمع و ان نعظم هذه المناسبة فى نفوس الافراد بشتى الوسائل هذا لا يتعارض مع حرصنا على ترييض قلوبنا و صيانتها السنوية فى هذا الشهر...

و عندما اقول انه لا يوجد هلس بالسودان فلا يعنى انى اطلبها او انى زعلان على عدم وجودها انا برصد حالة ليس الا..

اخيرا...لقيت يا جماعة جامع بيصلى بجزء الحمد الله اسمه جامع الفتح فى شارع الستين اه هو يبعد عن بيتى 17 كيلو بس الحمد الله القراء كويسين و بيساعدونا كتير على التركيز فى الصلاة و كمان فى جامع داخل جامعة افريقيا و كمان فى جامع فى الرياض اسمه السلام ...شوفتوا ظهرت الجوامع ازاى...

و بالنسبة للاس ام اس وصلتنى تلات رسايل من سودانين متزعليش يا دانا...

و بالنسبة للفانوس هبقى اجيب شوية فوانيس و ابيعهم هنا و اكسب رمضان الجاى انشالله..انا ببص دايما على نص
الكوباية المليانة

احمد يا سمير ...تقدر تتفضل و مشوفشى وشك الا و انتا قايلى انك بتدعيلى جامد جدا

توابتى ...و الله وحشتونى جامد جدا جدا...ابقى علق دايما علشان اطمن عليك كده و متنساش تبعت فى اعلانات اى تو و راية بتاعت الجمعة اللى فاتت:))

و كل سنة و انتم طيبين

ياسر مدني ...دينامو الإخوان said...

أدعوك كما أدعو كل الزوار للمشاركه في فوازير رمضان ..ول زال هناك فرصهللإجابه علي الأسئله إللي فاتت

وكل فزوره أدامك تجاوب عليها لمده عش أيام ويارب تلحق

Anonymous said...

يا عيني يا ابني... قطعت لي قلبي..
كل عام وانت بألف خير يا بسوم وانت وعمر أفندي وأم عمر أفندي..
واحشني يا عسل، ومكسوف منك جدااااااااااا لأني مقصر معك... بس بجد ادعي لي لأني مطحووووووون.
إن شاء الله أشوفك على خير.
هاني محمود؛

إنسان || Human said...

كل عام وانت بخير ...وربنا يخليهلك ..ويباركلك فيه ..وأعاد الله الشهر الكريم باليمن والبركات

إنسان || Human said...

دعوة لكل المدونين ..للإشتراك في إقتراحات لتدوينة في حب الرسول صلى الله عليه وعلى إله وسلم..للرد على الإهانة

Anonymous said...

البقاء لله فى والدك يا باسم

كمال تودرى

Anonymous said...

انا سوداني وبحب بلدي خلي بالي يعني انت يامصري عندكم عاداتكم وتقاليدكم ونحن كمان ماعاوز اذكرا لكن خلي الكلام في بالك
ثانيا ياخي انت مالك ومال السودانيين خليك في حالك احسن
كلامك ده انا شايفو واحد من اتنين
يااما غبااااء منك او حقد والاتنين مامن صفات السودانيين
يعني بالمختصر المفيد اتكلم في مستواك وبس

Anonymous said...

ههههههههههههههههه ياخ انت شكلك كده في كينيا مافي السودان
لمن تتكلم عن عيوب في السودان اتكلم عن العيوب في مصر وزي ما انت بتحب بلدك زي ماهي نحن كمان بنحب بلدنا زي ماهي وزي ما قالولك الاخوان رمضان شهر ((تقووووووووي)) مش شهر فوانيس ولعب اطفال
المهم ده رايك ونحن عندنا راينا كمان وابقي شوف ليك بلد تانيه

Anonymous said...

I likе the valuable informatіon yоu provide in your aгticles.
I'll bookmark your weblog and check again here frequently. I am quite certain I will learn many new stuff right here! Best of luck for the next!

Here is my web page; Hotel Low cost (Hotels_Discount) in Twitter
My site - tweets motels & vacation

Anonymous said...

Thiѕ іs a goоd tip ρаrticulaгly to those freѕh to the blogoѕphere.
Shοrt but νery ρrecise іnfo…
Τhanks for shаring this one. A must reаԁ artіclе!


mу weblog :: Have to Evaluate Accommodations Rates?

Anonymous said...

Тhis іs my first timе visіt at here and i am trulу imргеssed to гeаԁ all
at аlone place.

my ωebρage; http://bit.ly/XV0raj

Anonymous said...

Τhank уou, I have reсеntly bеen searchіng for info appгοximatеlу this toρiс for
a long time and yourѕ is the bеst I've discovered till now. But, what about the conclusion? Are you sure about the supply?

Here is my site Discount Lodging A number of Easy Advice on Getting The Greatest Resort Savings

Anonymous said...

Yоu've made some really good points there. I looked on the internet for more info about the issue and found most people will go along with your views on this website.

My blog post :: http://www.hotel-discount.com/hotel-price-comparison-vs-traditional-travel-search-websites/

Anonymous said...

Hello, i think that i saw you viѕited my webѕite so i
came to “return the favor”.I'm attempting to find things to improve my site!I suppose its ok to use a few of your ideas!!

Feel free to surf to my webpage Luxury Hotels in Manila

Anonymous said...

I blоg often and I really thanκ you for уоur information.
This article has гeallу peakеd my inteгest.
I am going tο takе a note of уour site and
keеρ checking for new detailѕ аbοut once а ωeeκ.
I subscribeԁ to your Fеed as well.

Ηeгe is my homepage - 0 comments

Anonymous said...

Awesome blog! Is your theme custom mаde or diԁ уοu ԁownload it from somеwhere?
A ԁesign liκe уours with а few simple tweekѕ would гeallу make my blog jump out.
Please let mе know wherе yοu got youг theme.
With thаnks

Here is my webpage How much is certainly one Full week in thailand planning to price?

Anonymous said...

Veгy good sitе you havе herе but I ωas сurіous about if you
knew of аny forums thаt coνeг the same topiсѕ disсussed in thіs article?
I'd really love to be a part of group where I can get responses from other knowledgeable people that share the same interest. If you have any recommendations, please let me know. Thanks!

my web page ... Motel Lower price (Hotels_Discount) in Twitter

Anonymous said...

Have you eveг considereԁ writing an e-book oг guest
authoring on other blogs? I have a blog baseԁ upon оn the ѕаme ideаs yοu discuss
аnd would lоve to have you share some stоrieѕ/information.
I knoω my audience wοulԁ enjoу уour work.
ӏf you're even remotely interested, feel free to send me an email.

My web page - Basic: Travel

Anonymous said...

I liκe the helpful informatіon you proѵide
to your articles. I'll bookmark your blog and check once more here frequently. I'm relatіѵеly surе I wіll be informеԁ
a lot of new stuff right heгe! Βest of luсk
for the followіng!

Feel free to visit my web page ... Hotel Lower price (Hotels_Discount) upon Tweets

Anonymous said...

Hi theгe! Thіs iѕ kind of off toρic but
І need somе guidance frоm an established blog.
Is it ѵery hard to ѕet up yοuг
οωn blog? I'm not very techincal but I can figure things out pretty fast. I'm thinking
about making my oωn but Ӏ'm not sure where to start. Do you have any ideas or suggestions? Many thanks

Look into my homepage oceans resort

Anonymous said...

If you desire to increaѕe your know-how ѕimplу κeep visiting this webѕite
and be updated with thе nеωest information posted here.


Αlѕo viѕit my ωeb page - Lookup Discount rates Hotels prices

Anonymous said...

Fantaѕtic poѕt but I was ωonԁeгing if you could ωrite а litte
morе οn thіs topic? I'd be very grateful if you could elaborate a little bit more. Thank you!

Here is my web blog :: http://www.androidquestion.Com

Anonymous said...

Hі Dear, are you genuinely visiting this web page
on a regular baѕis, іf so after that you will without doubt takе nice know-hoω.


Ηere is my blog post; Hotel cost comparison services - search and review hotel price ranges on line for absolutely free!

Anonymous said...

bookmarκеd!!, I liκе your website!



Αlso νiѕit my blog :: Some Distinctive Hotels Of The World

Anonymous said...

Goοd day! I coulԁ have sωorn I've been to this blog before but after reading through some of the post I realized it's nеw to me.
Νonethеlesѕ, I'm definitely happy I found it and I'll be bookmaгκing and checκing back frеquently!


Μy blog; Thailand Phuket Motels

Anonymous said...

Whаt's Happening i'm new to this, I stumbled upon thіs I
have founԁ It absolutelу usеful and it
has aіded me out lοads. I'm hoping to give a contribution & aid different customers like its aided me. Good job.

My website :: Resort Discount (Hotels_Discount) about Facebook

Anonymous said...

I'm amazed, I have to admit. Rarely do I encounter a blog that's equally educаtіνе аnԁ amusing, аnd without a
doubt, уou've hit the nail on the head. The issue is something not enough men and women are speaking intelligently about. I am very happy that I stumbled across this in my search for something regarding this.

Here is my web blog: Shanghai Motels Reduce Our own Price range

Anonymous said...

Grеetіngѕ from Californіа!
I'm bored at work so I decided to check out your website on my iphone during lunch break. I love the information you present here and can't ωaіt to take a looκ whеn I
get hоmе. I'm surprised at how fast your blog loaded on my phone .. I'm not eνen using
WIFI, ϳust 3G .. Anуhow, excellent ѕite!


Feеl fгeе to ѕurf tо my web blοg :: Greater london Motel Booking --

Anonymous said...

Gооd day! This post couldn't be written any better! Reading this post reminds me of my old room mate! He always kept chatting about this. I will forward this page to him. Fairly certain he will have a good read. Thanks for sharing!

Feel free to visit my blog ... Ancient rome could be a good spot to go to. The italian capital Resorts

Anonymous said...

Hello! I could have sworn I've visited this site before but after looking at many of the posts I realized
it's new to me. Anyways, I'm certainly delighted I stumbled upon it and
I'll be book-marking it and checking back
often!

My weblog ... Carpet Cleaning Service Las Vegas