Saturday, April 28, 2007

حادثة المزين




نعم ...حدث ما كنا ننتظره
حادثة المزين و التى تمت يوم الخميس الموافق 26 ابريل 2006
أول مرة يحلق فيها ...عمر ذهب الى الحلاق رغم كل حيله للتهرب من هذه الخطوة و اليكم التفاصيل بالصور كالعادة


بداية حاول الاختفاء اكثر من مرة لعل و عسى يفلت من هذا الامر

محاولة اخرى للإختفاء و الهرب داخل سريره


و عندما لم يجد وسيلة للهرب اصر على شراء كاب حتى يحافظ به على مظهره عقب اجراء عملية الحلاقة و اختار اللون الاحمر لانتمائه للنادى الاهلى كما تعرفون و فى الطريق الى مقر الحلاق حاول التظاهر بالنوم علنا نعدلعن القرار رأفة به و حتى لا نوقظه و لكن..


و عندما تظاهر بأنه سينام ...غلبه النوم بالفعل مما تسبب فى تأجيل العملية لساعة على الاقل قمنا باللف و الدوران بالعربية فى الشوارع حتى يستيقظ البيه من سباته.


و ها هو أخيراً على مقعد الحلاق و بين يديه و شرع فى قص شعره بالفعل و هو غير مستوعب ما يحدث كما ترون



أبراهيم ...مساعد مدحت الحلاق...كله دوره انه يمسك علبه كريم او قرشه لونها غريب و يلاعب عمر و يشاغله...و على مدار فترة الحلاقة كلها مدحت لا يكل و لا يمل من قوله لاعبه يا ابراهيم ...لاعبه يا ابراهيم..غيره له الالوان يا ابراهيم علشان بيزهق...مع ان عمر بيه لا كان بيعيط ولا كان زهقان ولا حاجة بل بالعكس كان محسسنا انه دى حاجة بيعملها كل يومين مثلاً.

عمر : انتا بتعمل ايه بالظبط يا عمو ؟؟؟


عمر: موش عايز ترد يا عمو ...ماشى انا زعلان منك :(((


للأسف بدأ شوف بقايا شعره المتساقط و بدأ يحس بالخطر و هو فى نفس حالة السكون و غير مستوعب الحدث

مدحت: خلاص يا عمورة خلصنا خلاص يا حبيبى

عمر: هيبقى بقت كده يا عمو برضه...تاخدنى على خوانة...ربنا يسامحك

و للحديث بقية

7 comments:

Anonymous said...

TO7Fa

مصـ( الخير )ـعب said...

ههههههههههه

بسم الله ما شاء الله
ربنا يحفظه يارب
الولد عسل أوي أوي

البراء أشرف said...

ربنا يباركلك فيه، وتخاويه كدة يا رب ببنوتة زي القمر..

ويرزفني معاك بواد يكون ميشبهنيش

يلا مش مهم said...

مسخرة
بجد السيناريو تحفة
والولا ابنك تعبيراته جامدة جدا
تخيل اني انا عشت الحدوتة لدرجة اني كنت في اخر التدوينة هانفض الشعر من علي كتافي
ربنا يباركلك فيه
وتشوفه لما يحلق سنن الفطرة
اهههههههههههههههههههههههه

الباز said...

ربنا يحفظهولك ويصلحه ويصلح به

عبد الرحمن said...

نعيما يا عم عمر افندي

بس انا حسيت إنه زعلان عشان عمو خلص مش زعلان عشان مش لاقي شعره

ElGeNeR@L said...

Besm Ellah Ma Sha2 Allah Rabena Y5leholak Ya Rab We 3la Fekra ( Med7at) Da Yb2a 5aly ..™