عمر فى العربية الجديدة
بقالى كتير مدونتش
بقالى كتير متردد ادون...بقالى كتير مليش نفس اعمل حاجة
علشان حاجات كتير...علشان صحابى اللى كانوا بيتأذوا الفترة اللى فاتت فى ارزقاهم و حياتهم و مستقبلهم...علشانى انا شخصياً و الظروف اللى حصلتلى اللى لا داعى لذكرها المرة دى ...
المهم قبل الظروف دى بفترة كنت عايز احكى عن العربية...و للأسف بعد الظروف بقت العربية..حلاوة الروح
انا استلمت عربية من شهر يالظبط ..و اكيد اى حد من فيصل او الهرم او ما حولهم عرف بالخبر إن فى واحد بيسوق جديد راكب عربية لانوس فضى و طايح فى الشوارع و محدش عارف يوقفه...لآنى لسه بتعلم جديد و مبرحمشى
طبعاً بما انى متخيل ان عمر ابنى شريكى فى المدونة دى بالنص فا على الاقل انا ابقى بطل التدوين و هو بطل الصور فا الصور بتاعت العربية هو اللى مبلطج عليا و سايق مكانى زى منتو شايفين.موش عارف لما يكبر شوية هيعمل فينا ايه.
ليه بقى اسمها حلاوة روح علشان ممكن اسلمها قريب قوى ...
قدر الله لا يأتى إلا بخير و دا عنوان المدونة القادمة ان كان لينا عمر .
سلام مؤقت كالعادة
4 comments:
mashoftsh 7aga fe 3omri kolo betefdal m3a el wa7ed 6ol 3omro, kol 7aga betro7 eza kan el bani Adm (human being) nafso bero7, eli befdl bs el memories, what i wanna from u is 2 remember ma comment after a time when u r driving another car & remebering that ur first owned car was this a just lanos one, yaaaah kant ayam s3etha kont meday2 enha mosh hatefdl m3aya makontish a3raf that i will drive a better one, certainly u will say this ISA, ya ostaz basem agmal 7aga fe el donia hwa el w2t eli b3d ma moshkla tet7l, yb2a hygi ezay el w2t da men3'er el moshkla nafsha mategi."yali betes2l 3n el 7aya khodha kda zay ma hea" isnt this ur favourite song.
momken bs 6lb soghair lma tegeb el 3arbia el a7san, 3'er enk teftekr klami, plz eftekr eni gartk fe faisel w wageb 3lek twasalni.
Although this time ur memo was short bs kant tegann w a7la 7aga feha omar's nice picture,
on a separate note: Omar kol showaiya be7lw awy w b2a sh2y w ygnn.
بص يا عم باسم . . كل الحاجات الحلوة اللي في حياتنا هاتبقى ذكريات لو فضلنا نتعامل بمنطقك بتاع "المشاكل اللي بتواجهني وما فيش داعي لذكرها"
يا عم باسم انت عايز تتدبح من غير ما تتألم وتصرخ وتطرطش دم على كل اللي بيشهدوا دبحك!! دي البهايم يا راجل بتبهدل الجزار اللي بيدبحها واللي حواليه كلهم
انا آسف على التشبيه بس انت لازم تسيب وراك خساير على الأقل علشان عمر لما يتعلق مرة تانية بعربية تانية ما تقلقش انها تتسحب في ظل صمت وسكون مريب
صرخ يا عم واحكي مشكلتك للناس
الأجانب عندهم اسلوب اسمه "shame & Name" يعني من الآخر اذكر اسم الفاسد وجرسه وخليه ما يعرفش يرفع راسه في وسط الناس
وصدقني لو اللي مشغلينه لقوا انه بقى عرة ومالوش لازمة هايركنوه على الرف
فكر ودورها في نافوخك وانت قاعد تتفرج على صور عمر افندي في العربية
مع تحفظى على المثال بس شكراً على النصيحة يا معلم اسلام
صاحبي باسم
جامدة جدا التدوينة وانك تختار مدخل انساني قوي زي ده كمدخل اعرض وجهة نظرك المؤجلة لاسباب اتفهمها واوافققك عليها ولن شاء الله اوعدك اول ما تخلص نصلحتك لاهفضحهوملك فضيحة المطاهر يوم رجوعه وبالنسبة لاسلام فعادي انت عارف ثوريته وحماسته وشد حيلك يا بطل وربنا يكون في العون
بس بجد فكرة تسويقية جامدة بتاعت ان ابنك همر هو يكون بطل المدونة ومدخلها الدائم لعرض الافكار واحداث الحياة
وربنا يباركلك فيه \
ويللا مش مهم
Post a Comment