Tuesday, August 11, 2009

ميلاد عمر أفندى الثالث




كان يوم الأحد 13 أغسطس 2006..كان يوما من اسعد ايام حياتى...يوم مولد عمر أفندى

مستشفى الهدى بطلخا كانت مكان الولادة له و لاخيه على بيك ..الدكتور عبدالجواد متولى كان طبيبه هو و أخيه على بيك

عمر ...ياترى هفضل اكتبلك على المدونة دى احتفالا بيوم مولدك لكام سنة كمان...ياترى هتقرأ الكلام ده و تشوف ذكرياتك و احداث حياتك من بداياتها ...ياترى هتستمتع بيها

انا على فكرة مصورك الى الان فوق الثلاث الاف صورة فى خلال الثلاث سنوات دول...مع العلم انى سنة كاملة بعيد عنك كمان...بس اعمل ايه بقى ..بحبك

فاكر لما صورتك فيديو و انتا اول مرة تاكل فى حياتك بعد خمس شهور و كانت وجبتك العظيمة بسكويت بايش فى ماء
ولا يوم ما بدأت تحبى لاول مرة فى حياتك و لا بقى لما صورتك و انتا بتخطوا اول خطوة فى حياتك...انا متخيل انه احساس جميل هينتابك و انتا بتتفرج على الحاجات دى بعدين...زى منا متخيلك مبسوط و انتا بتقرا المدونة دلوقتى و بتتفرج على تأريخ حياتك و احداثها منذ مولدك و الى الان على هذه المدونة المتواضعة




كل سنة و انتا طيب يا عمورة




و كمان كل سنة و انتا طيب بمناسبة رمضان فاللهم بلغنا رمضان...




على فكرة يا عمر رمضان ده شهر موش راجل ....يعنى موش عمو رمضان اللى هيجى كمان اسبوع زى ما كنت بتقولى فى التليفون و لكنه شهر رمضان و شاربيب اسمها شراشيب اللى هتعملها مع ماما عايزك تعمل منها هتير زى ما بتقول و تعلق منها فى البلكونة و فى كل مكان فى الشقة...




عمر ..وحشتنى و كل سنة و انتا طيب يا حبيبى و عقبال مليون سنة يا رب




بابا

4 comments:

Anonymous said...

كل سنة و هو طيب و عقبال 100 سنة
ناهد

Anonymous said...

كل سنه وانت طيب يا عموره وعقبال منشوفك في السعوديه وتيجي تعيد في الخبر
ســـامر

أبو عبيدة said...

ربنا يجمعك بيهم على خير يا رب يا باسم

كم كانت كلماتك موجزة كثيرا علي غير عادتك ولكنها كانت كلها إحساس بأب يفتقد أغلى ما يملك في الدنيا

صدقا أحسست شعورك هذا وبكيت مما تتألم منه

كل سنة وأنت طيب وعمر طيب وعقبال مليون سنة

رمضان كريم

همسة ايمان said...

كل سنة وانت طيب ياعمورة معلش بقى جت متأخر ويارب كدة يعز بيك الاسلام كل عام وانت للقران حافظ وللاسلام خادم
وتكبر كدة وتبقى من الجيل الى هايغير الامه وربنا يبارك لحضرتك فيه يا ا/باسم هو وعلى وا/شيماء سلامى لهم كتير