Saturday, December 15, 2007

عقيقة عمر أفندى





كما انه هناك حقوق للاباء على الابناء من بر و احترام و توقير و غيره فهناك حقوق للابناء على الاباء كثيرة و منها تسميته و الاذان فى اذنه عقب الولادة و احسان تربيته والنفقة عليه و الرحمة و التلطف بالاولاد و كذلك احسان تربية البنات و الوعظ لهن عندما يصبحن متزوجات و من اهم حقوق الابناء على الاباء هو حق العقيقة.

موش هدخل فى تفاصيل احكام العقيقة و الذى يريد الاستزادة يمكنه الرجوع الى هذا الكتاب
(احكام العقيقة)

نعلن من موقع عمر افندى الرسمى عن الحدث الاهم فى اجازة مصر القادمة و هو عقيقة عمر افندى و التى ستكون رابع ايام عيد الاضحى المبارك السبت الموافق 22 ديسمبر فى تمام الساعة الثالثة بنادى المهندسين بطلخا دقهلية و المدعوون محددون بالاسم نظرا لمحدودية اللحمة طبعا وسيتم ارسال دعوات خاصة لهم عبر الموبايل و برجاء من الجميع تأكيد الحضور بارسال اس ام اس عبر الهاتف الموجود فى الدعوة.


عمر افندى يقوم بارسال الدعوات عبر الموبايل




خريطة المكان من المنصورة حتى يسهل على الجميع الوصول اليه من مختلف المحافظات كما هو موضح بالرسم التالى







الحضور باى ملابس فلا يشترط ملابس رسمية و كذلك لا يشترط هدايا لعمر افندى و سيكون هو فى اوائل المستقبلين على باب القاعة.


كذلك عمر أفندى يتلقى التهانى عبر الموقع من خلال التعليقات و للعلم فسيتم طبع هذه التعليقات و التهانى و ضمها الى البوم ارشيف العقيقة فشاركه التهنئة بكلمة ولا تنسى ذكر اسمك.

25 comments:

Anonymous said...

الف مبروك يا عمر و ربنا يتقبل من والديك

شكلك زى العسل بالطاقية و انتا واقف تستقبل الناس

انا مستنية رسالة بقى علشان اجى اسلم عليك بنفسى

Anonymous said...

انا منى

Anonymous said...

alf mabroook ya 2ostaz Omar Afandi beh :D
wen sha2allah 3eed sa3eeed leek we leek bardo ya baba bassem :)

kol sana wenta tayeb



Sarah Nassar

Anonymous said...

ألف مبروك يا عموووور
وربنا يكرمك ويبارك فيك وتكون كما عمر الفاروق وعمر ين عبدالعزيز وعمر المختار وعمر التلمساني .... وكل الصالحين
حمادة

Khalooda (Abou Ziyad) said...

عقيقه مبروكه أن شاء الله - وعيد سعيد عليك وعلى أبوك وعلى كل المسلمين بأذن الله

أعز أصدقاء أبوك

خالد الحداد - الرياض

Anonymous said...

عيد سعيد وعقيقة مبروكة عليك وعلى بابا / باسم وكل سنة وانتو طيبين

Anonymous said...

بارك الله فيك يا أبا عمر أن حرصت على إقامة السنة، ونسأله جل جلاله أن تكون دائما من المحافظين على سنن الإسلام وشعائره، ونسأله تبارك وتعالى أن يبارك في عمر أفندي وأن ينبته نباتًا حسنًا.
أخوك
محمد فتحي النادي

الباز said...

كل عام وانت بخير يا عمر بك
تقبل الله من ابوك
وعقبال وليمة العرس
اصلحك الله وجعلك من الحفظة الصالحين المصلحين الفاتحين الذين يفتح الله على ايديهم باذن الله

على الباز

Anonymous said...

عقبال مانحضر يوم فرحك ياعمر

Anonymous said...

كل سنة وانت طيب يا احلى عمر
شكلك زى القمر بالطاقية
waiting ur Sms Bassem
العيد فرحة ماء ماء ماااااااااء

الكواكبي said...

الف مبروك يا عمر ان بابا فك الكيس ةهايعمل لك عقيقة وده شيء يعني انك عزيز عليه جداً
على فكرة لو ضحك عليك انت ومامتك ودبح جدي ولا خروف سيبك منه وما تحضرش واطلب من البيت الهابي ميل من ماكدونالد . . احسن لك يا بني على الأقل هاتطلع بلعبة
بص من الآخر يا بابا يدبح لك جمل يا بلاش . . يا راجل ده ما يجيش على شحطتك ما بين مجاهل الملكة وأدغال السودان والتسييح اللي مسيحهولك في الفضاء السيبري
بالمناسبة في التدريبات اللي بنديها بنعرف الناس بفكرة التدوين ومدونتك يا عم عمر دخلت نص جامعات مصر وقراها عمداء ورؤساء جامعات وناس كتير من اللي بيفكوا الخط باعتبار انها من المدونات القليلة المحافظة على فكرة التدوين كتعبير عن حالة شخصية مش حالة سياسية

الف مبروك العقيقة وعقبال الوكيرة

أحمد السباعـي said...

كل عام وأنت بخير ياعمر

وعقبال ماتكبر وتكون فخر لبباك وممتك

وبجد يابختك بأبوك ياسي عمر

Anonymous said...

كل سنه و انت طيب يا عمر باشا افندى طويل العمر يطول عمره و ينصرك على من يعاديك هاى هيق و عقبال لما نشوفك بتدون لأولادك إن شاء الله

Anonymous said...

و كل عقيقه و انت طيب و الفييييييين مبروك

أحمد عبد العاطي said...

بورك فيك يا عمر وانبتك الله نباتا حسنا وجعلك بارا بوالديك
ورزقك الله طول العمر وحسن العمل

Anonymous said...

يا اخى والله الواحد مش عارف يقول ايه بس ليه يا ابو عمر جاى فى عيد اللحمه وتعمل العقيقة ماشى الكلام مش فى حلو فى القاعدة ولا ايه المهم توصلوا بالسلامة والمهم فى الموضوع الشلة تكون مجمعة ذى زمان وماتكونشى آخر عقيقة وتقلب بعد كده.(اكل طعامكم الابرار وصلت عليكم الملائكة وذكركم الله فى من عنده ) وماشى الحال جزاكم الله خيرا

غــرـريــبـــة said...

السلام عليكم و رحمة الله و بركاته


اولا كل سنة و انت طيب يا عمورة... تتربي فى عز بابا .. و مستنيه اشوف الصور بلبس العيد


ثانيا : ادام الله طاعتكم و احياءكم للسنة ... يا ريت كنت من المنصورة كنت جيت يا عمورة ... عقبال كدا اخوك او اختك


اخى ابو عمر ... كل عام و انت الى الله اقرب و عن نيرانه ابعد و توصلوا مصر بالسلامة ان شاء الله

Anonymous said...

مبروك يا عموووور يا عسل
وربنا يبارك فيك ويحفظك ويخليلك والديك.(اكل طعامكم الابرار وصلت عليكم الملائكة وذكركم الله فى من عنده)ء
وعيد سعيد عليكم بإذن الله
ومستنيين الصور

Anonymous said...

ماشي ياعم عمر هانيجي وامرنا لله ارض المنصورةالطاهرة المبهرة العامرة الكل حاجة"على رأي عمي طارق عبد المحسن" مخصوص علشان ابوك حبيب قلبي ما يزعلش .....بس طبعا انا ليا شرط.....اني مش هاكل زي كل الناس .لا انا ليا طبق مخصوص كده بما لذ وطاب من الهبر ....ع العموم كل سنة وانتو طيبين واتجدعن بقا ياعمر عايزين نجوزك ....بس ياترى الراجل بتاع البسبوسة هيرضى يرجع البسبوسة ولا ايه


عمك احمد اللي لبس البسبوسة

عصفور المدينة said...

ألف مبروك يا عمر
كانت مفاجأة ظريفة وانا داخل النادي ولقيت السهم بيشاور على مكان العقيقة
حسيت إن العالم الافتراضي ورايا ورايا في الواقع

ألف مبروك وربنا يجعلك من الصالحين

محمود الدوح said...

الف مبروك لعمر وابوة

وعجبتنى جدا المقطوعة بتاع الواجبات والحقوق بين الاباء والابناء مع انها صغيرة ومش مليانة

فكرتنى بمشروع بحاول اعملة عن التربية

اه ... على فكرة انا جاى من عند عصفور المدينة على هنا علطول وكمان علقت بعدية

الـفجـريـــة said...

مبروووك يا عمر

وربنا يباركلكم فيه ويكون قرة عين لكم

وادينا اهوه يا عم عمر بنكتبلك تهانى فى العقيقة بتاعتك عشان فى يوم تشوف الحاجات دى لما تكبر وتفتكرنا بدعوة ولا حاجة
:1

أسماء

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

mostafa mahmud said...

الفروت سالاد جامد موت يا باسم

ربنا يباركلك فى الفروت سالاد ..آسف
عمر أفندى


مصطفى محمود

Anonymous said...

معلش انا بكتب متاخر بس ماكنتش بفتح الميل المبعوت عليه الرساله من فتره واعتذر ايضا عن عدم حضورى العقيقه لان ايام العيد كانت مشغوله عندى جدا
اما بخصوص التعليق فالحاجه الوحيده اللى عاوز اقولها انى نفسى فعلا اشوف الواد ده قوى بقى ذى العسل ما شاء الله ولا قوه الا بالله وربنا يباركلك فيه يا باسم ويحقق امانيك فيه
معتز الصاوى