Saturday, October 27, 2007

اجازة مصر 1




عمر فى لبس العيد اول ايام العيد


الاول متأسف على التأخير فى التدوين بس الاجازة كانت اسبوعين بالتمام و الكمال يتخللهم اربع ايام مهمة عمل فى دولة اخرى و لم استطع التدوين مطلقا فى هذه الفترة اللى هتكلم عنها بالتفصيل فى السليسلة الصغيرة اللى هبتديها دى باسم (اجازة مصر)

نبتدى منين ...نبتدى من الاسم اجازة مصر انا كتبته بعفوية انى كنت فى اجازة فى مصر لكن لما بدأت اكتب اول كلمة فى الموضوع فكرت فى العنوان (اجازة مصر)تخيلوا معايا كده لو مصر خدت اجازة ....ايه يا عم انتا سرحت لفين؟؟؟ اه و الله تخيلوا معايا لو مصر اخدت اجازة من الهم و المشاكل و القرف و ريحت شوية ...خدت بريك طيب تخيل كده معايا لو فجأة و لو ليوم واحد مفيش حوادث فساد ولا ....اقولكم خلونا نرجع للمعنى العفوى اجازتى انا اجازتى فى مصر ...بلاش وجع دماغ



خلونا فى التورت و اعياد الميلاد و الحركات و الدلع بتاع اجازات مصر اللى بجد






الاجازة كانت ناجحة ؟؟ الحمد الله كانت ناجحة الى حد ما...عملت فيها كل اللى انا كنت عايز اعمله ؟؟ موش كله بس نسبة كبيرة منه طبعا و انا بشكر كل اللى دعولى فى التدوينة الماضية و بحبك وحشتينى انى احقق اللى اتمنيته فى التدوينة علشان كل اللى اتمنيته حققته الحمد الله يعنى روحت و شوفت ماما و كلت البطاطس المهروسة فالمفتى بتاعنا طيب الله ثراه علشانى مخصوص جعل مصر عيدها متأخر يوم دوناً عن باقى الوطن العربى كله علشان الحق سحور و فطار فى مصر و كمان شوفت عم سيد و منستشى طبعا انى اقعد معاه زى ما كنت عايز و شلة المنصورة و اتعشينا عند احمد عنتر زى كنت عايز و كمان شوفت الثقب الاسود و قضيب يوم معاهم فى نادى دريم لاند و دى صورتى مع مجدى فى لقاء على هامش لقاءات الثقب فى العيد و كان فى ساقية الصاوى بالزمالك و الذى تماشى مع حفلة للملحن الكويس المطرب السيىء جدا عمرو مصطفى

و خرجت مع استاذ وجدى و هشام يحيى كمان... و حتى كانت خروجه مختلفة و قعده مختلفة المرة دى اتكلمنا فى كل المواضيع اللى معتادين نتكلم فيها و قعدنا على هعوة بلدى فى شارع السودان و اتغدينا عند فرحات حمام محشى و اتبسطنا قوى اننا دردشنا و تقابلنا على وعد من الصحفى الهمام هشام يحيى بتشرف مدونتنا الكريمة بمقالة من تحريره لتغطية هذا اليوم انتظروها معى

استاذ وجدى و استاذ هشام و استاذ باسم فى قهوة بالمهندسين

الحمد الله ...هية اه كانت اجازة قصيرة بس دسمة و فيها حاجات كتيييير و الاهم من ده كله انها عملت للواحد ريفريشمينت اللى هية بالانجليزى انتعاش او تنشيط علشان ابدأ جولة جديدة من العيش فى الخرطوم مرة اخرى ....






عمر افندى طبعا كان نجم الاجازة بكل ما تحمل الكلمة من معان فكل من قابله فى هذه الفترة تعلق به جدا و خصوصا انه اجتماعى و حبوب و يطلق قبلاته على كل من يقابله و بدون اى مينم تشارج لهذه القبلات
ضرب لبس العيد و نزل صلى العيد و بعدين لف على قرايبينه عيد عليهم و بعدها دوام على المكوث اكثر فترة ممكنة مع العائلة حتى ميعاد العودة الى السودان.



صلحت نظاراتى النظر الثلاثة اللى كان عمر افندى كسرهوملى فى السوان فى الفترة اللى فاتت و كمان زورجتى الحبيبة جبتلى نظارة شمس هدية بدلا من اللى اتسرقت منى برضه فى الخرطوم فى اول اسبوعين هنا فى السودان.

قبل ده كله لو فى حد فاكر تدوينة نعيما يا حاج فقد حلقت فى الجمعة الاولى من الاجازة و عمر افندى ايضا حلق فى الجمعة الاخيرة من الاجازة و قبل السفر بسويعات.

بالنسبة للمناسبات الاجتماعية فقد حضرت قرحين و اربع حالات وفاة


كفاية كده و نعاود استكمال الحديث فى الحلقة الثانية و التى ستتناول موضوع شيق بعنوان

ابو عمر و الاستحقاق الرئاسى




ابقوا معنا





6 comments:

Unknown said...

حمدلله علي السلامة
ويارب يحققللك كل اللي بتتمناه دايما
والحمدلله ان ربنا استجاب لدعوتنا
واية بس اللي موديك السودان
يلا ربنا معاك
وعمر زي القمر وشكلة عسل فعلا
ولبس العيد جميل قوي
المهم اديتة العدية بتاعتة ولا ضحكت علية
يلا سلام لعمر وابو عمر
ويارب يديم عليك محبتك لابنك ولزوجتك
سلام
مني

أحمد عبد العاطي said...

أخي باسم
حمدا لله علي سلامتك
كنا نترقب وصولك
وفقك الله وأعانك وسدد خطاك

الكواكبي said...

تصدق اني زعلت جداً
انت فهمتني انك راجع السودان طوالي بعد طلعة لبنان وما قلتش انك هاتقعد في مصر
بجد زعلان

زمردة said...

السلام عليكم ورحمة الله

حمد لله على السلامة

ما شاءالله عمر عسل بلبس العيد ربنا يخليهوك

يا ترى لحقت تاخد دروس في فن الحلاقة :D

نعيما لعمر افندي وابوه

غــرـريــبـــة said...

السلام عليكم و رحمه الله و بركاته



حمد لله على السلامة



اجازة سعيدة



البقاء لله ...على حالات الوفاة


اما بالنسبة لعمرو ما شاء الله و لا قوة الا بالله زى القمر ربنا يخليه لك و يحفظه يا رب


وتانى بتجرب فيه الحلاقة تانى


كل عام و انت الى الله اقرب

عمر أفندى و أبووه said...



منى My Hope$

الله يسلمك و منورة المدونة و يا رب دايما و اللى مودينى السودان يا ستى اكل العيش ربنا يكرمنا كده و نبطل اكل عيش بقى و ناكل جاتوه و ساعتها موش هتلاقينى فى السودان هتلاقينى فى مالطة

دكتور احمد عبدالعاطى

جزاكم الله خير و الله يسلمك

الكواكبى

اسلام متزعلشى انتا عارف انا رجعت من لبنان يومين و سافرت علطول فا امى رفضت انى اجيلكم القاهرة باى حال من الاحوال فا تتعوض فى العيد الكبير و احتمال يبقى فى مفاجأة تجمعكم كلكم عندى فى المنصورة انشالله بس خليها فى حينها

زمردة

و الله ملحقتش بس ظبطت حلقة عمر و حلقتى انا كمان انها تكفينا لحد العيد الجاى منحتاجشى حلاق هنا لحد ما ننزل مصر تانى انشالله

غريبة
و الله ما جربت انا وديته لحلاق المرة دى و دافع فيه شىء و شويات ...متخافيش مامته مرديتشى تخلينى اجرب فيه للمرة التالتة