عمر أفندى فى عيد الفطر الماضى و أثناء اجازتنا بمصر لم يترك فرصة وجوده بارض مصر و وسط المصريات تفوت كده بالساهل ...و فى احدى زيارات مامته لصديقة من صديقاتها الباشا بدأ يلف و يدور على بنت صديقة مامته و ينصب شباكه حلولها و خصوصا انه استغل لعبة القدر فى انهم توافقوا فى لون ملابس العيد فكانت هذه لغة الخطاب و سبب من الاسباب اللى استغلها فى تثبيت البنية الصغيرة...وو كلامه كتر بقى من نوعية... انا و انتى القدر جمعنا على غير ميعاد فى المكان ده و باللون الاحمر اللى بيعبر عن مكنون حبى و هكذا من الكلام اللى بيثبتوا بيه البنات...
خلينا مع الصور اللى كشفته و و هو لا يعلم ان هناك كاميرا تراقبه و تراقب تصرفاته
الاول اتجه لعربتها و بدأ فى التعارف المبدئى
و من ثم يلا انزلى من عربيتك بقى علشان نبقى انا و انتى على مستوى القاعدة و نتكلم براحتنا ...هو فى احلى من قعدة الارض...ايه رأيك فى اللعبة الجميلة دى ...الله دى جميلة خالص و بتعمل اصوات كمان
المهم انتى عاملة ايه ...سيبك بلا لعب بلا كلام فاضى من بتاع العيال الهايفة ده
و انتهى الحوار بينهما على افضل حال نظرا لضيق وقت مامته على وعد منه بمعادوة زيارتها فى العيد القادم مع والدته ايضا 
كل سنة و انتو طيبين
ماشاء الله
ReplyDeleteمن أولها كدة
دا الواد لسة طالع من البضة..هههه
ربنا يخلهولك...ويجعله ذرية صالحة بإذن الله
..بس لازم تقول لعمرو إن إلي بيعملو ده غلط على مستقبله..هههه
دمتم طيبين
أخوك عبدالرحمن ياسين
ربنا يخليه ويبارك فيه
ReplyDeleteماشاء الله عليه
عمر يااااااااااجامد
تحياتى وسلامى
السلام عليكم ورحمة الله
ReplyDeleteهههههههههههههههههههه
ما شاء الله
من صغره مقطع السمكة وديلها
ربنا يخليهولك يارب
تحياتي لعمر افندي وابوه
علشان كده حذرنا من الإختلاط
ReplyDeleteعاجبك المستوى اللي وصل له المحروس
يا ما قلنا مقعد الرجالة غير مقعد الستات بس ما حدش سمع الكلام
انا رأيي لازم تداري على الفضيحة . . جرب تسكت البنت بكيسين شيتوس تبدأ بيهم حياتها في اي حتة بعيدة عن ابنك
ماشاء الله علي عمر افندي وجماله راجل بيجيب من الاخر تفتكر هو طالع لمين
ReplyDelete
ReplyDeleteعبدالرحمن ياسين باشا
شكرا جزيلا و انا سعيد ان فى حد بلدياتى من المنصورة منور مدونتى المتواضعة و اتمنى الا تنقطع زيارتك
كلمات
شكرا جزيلا و عقبال عندكم فى المسرات
زمردة
بقيتى من المعلقين اللى بينوروا موضوعاتى انا و ابنى..مشرفانا يا افندم ...عامة على فكرة عمر افندى من يومه مقطع السمكة و ديلها و راسها كمان
اسلام لطفى
دا اول غلطة و انا قعدت معاه قعدة رجالة و فهمته ان ده موش هينفع يبقى الخط اللى هو هيسلكه فى حياته و هو ابدى ليا اقتناعه و يا عالم بقى هنقفشه تانى ولا ايه النظام...و البنت معندهاش مشاكل لانها معتبراه صديق ليس اكثر
بحبها
ReplyDeleteايه التلبيس ده..بتلبسنى فى الحيط..موش عارف ان ام عمر بتشوف المدونة دى ...موش طالع لحد يا سيدى ...طالع كده ربانى...هو عمر كده دايما متفرد بقراره
على فكرة
ReplyDeleteانت شرفتني بتواجدك في مدونتي لتُعلن عن مدونتك الشقية وابطال بوستاتك الأشقياء الجمال فعلا قصه جميلة ولسة بتتحنجل ربنا يخلي
ربنا يخليهولك يارب ويحميه ويبارك فيه
ReplyDeleteالاطفال دايما احباب الله
أستاذ \ أبو عمر أفندى
ReplyDeleteدى أول مرة أدخل المدونة وبالتالى أول مرة أشوف عمر
ماشاء الله أمور جدا ربنا يباركلك فيه
وبتهيألى إنت ظالمه فى التدوينة الأخيرة
الولد باين من الصور إن نيته سليمة والله ومش قصده حاجة خالص
تانى ربنا يباركلك فيه وفى المدونة
زهراء
ما شاء الله
ReplyDeleteربنا يخليهولك
ويكون من الذريه الصالحة
من اجمل نعم الله الاطفال
تحياتى
هههههههههه
ReplyDeleteما انا قلتلك يا عم باسم
الواد ده يفضل في السودان و ميخرجش منها ابدا
الحمد لله انك مخدتوش معاك لبنان
و لو فكرت تروح دبي .. اوعى تفكر تفسحه
:D الواد هيشبهك
هههههههه
بس هو مش مقطع السمكة و ديلها
ده على قده كده يعني مقطع البكتيريا و ديلها
ربنا يباركلك فيه يارب
سلام يا باشا
الواد طالع عينه زايغه لاابوه ولا ايه
ReplyDeleteربنا يخلهولك
ويباركلك فيه
السلام عليكم
صباح الخير
ReplyDeleteيا ابو باسم
من اولها الولا بيبصبص وبيعط
وبعدين يا اخي
سايب السودان كلها وجاي يخبط مع بنات مصر
تصدق بالله لولا ان ليا عندك مصلحة
كنت عملت الصح معاه
ويلا مش مهم
ههههههههههههههههههه
ReplyDeleteماشاء الله
ربنا يخليهولك
من وهو صعير كده
امال لما يكبر هيعمل ايه
ربنا يستر
تحياتى للبوست اللى دمه خفيف جدا
هي دي الاطفال ولا بلااااااااااااش
ReplyDeleteربنا يخليهولك
ربنا يبارك فيه ويحفظه
ReplyDelete