ابنى بيتك

ابنى بيتك

مشروع كان فكرة فى جورنال فى شهر فبراير 2007 تحت عنوان برنامج السيد الرئيس الانتخابى لدعم اسكان الشباب محدود الدخل ...و بما انى من هذا الشباب و ينطبق على هذه الصفة فلذلك فقد استرعى انتباهى الاعلان و بدأت اقرأ التفاصيل...

قطعة ارض 150 متر لكل شاب (زى الفل الكلام ده) تبنى عليها 67 متر بس (موش زى الفل قوى) بس يجوز بما ان الباقى هيبقى حديقتى الغناء و ال67 متر دول انا افنن فيهم براحتى اعملهم فيلا محترمة من ثلاث ادوار و ادلع نفسى بقى بحمام سباحة و صالة جيم فى البدروم و روف ببرجولة على السطح و كلام كده يخليك تحلم و تحلم و تحلم....و لكن انتهت الشرط بكلمة (وفقا للتصميمات المقدمة من قبل الوزارة) اتارى الوزارة هتفرض علينا التصميم اللى هنعمله كمان....

التقديم متطلباته بسيطة فمقدم تعاقد الف جنيه و الباقى على 10 سنين و الحكومة هتدينا دعم 15 الف جنيه للبناء (ربنا يخليها لينا) بعد ما نطلع بأول دور و الشرط الاهم بقى ان لازم نطلع بأول دور ده فى اول سنة و إلا تسحب الارض....

كمان فى نقطة مهمة ان القطع الممنوحة للشباب فى المشروع ده 20 الف قطعة فقط مقسمة على المدن الجديدة فى (اكتوبر-بدر-العاشر من رمضان-الصالحية الجديدة-اسوان الجديدة...)

و تقدمت بالفعل و شحذت همم اصحابى كلهم بلا استثناء للتقدم لدرجة انى كنت عامل زى مندوب المبيعات فى الشركة عندى اللى بيسوق للمشروع و بكتب الطلبات بتاعته فى ورقة لكل من يريدها ...تحس انى ليا كوميشن فى الموضوع مما اوحى لبعض زملائى فى المكتب بجد انهم يزعلوا منى ...عارفين ليه...علشان قالولى الراضى اللى هتطرح فى المشروع 20 الف بس و انتا كده خلصتهم فى اى تو ...خف شوية و لم الدور علشان نلاقى حاجة ناخدها...طبعا دول بينتقدوا و خلاص و لا حتى هما شخصيا قدموا ولا حاجة..

ابويا الله يرحمه فرح قوى بالخطوة انى هيبقالى بيت ملك و كده ...بس للاسف توفاه الله فى نفس الشهر قبل ما يشوفه .

فين يا جماعة بقى مفيش لا حس ولا خبر...و يمر الشهر تلو الشهر ولا حس و لا خبر...خلاص كده مات الكلام ...ايوة تقدر تقول كده ...و الألف جنيه..بح ...و طبعا لا اخفيكم سرا بدأت احسب ان فى 105 الف اتقدموا للمشروع و دفعوا 105 مليون جنيه يعنى الحمد الله برنامج السيد الريس تم ضخ موارد ليه من جيب الشباب الغلبان تقدر ب 105مليون جنيه..

و سافرت السودان بحثا عن عمل ...و فى شهر يوليو الماضى وصلنى خطاب على البيت بأنه تم الموافقة على طلبى لارض ابنى بيتك....يا منتا كريم يا رب...انا بعض الظن اثم ....الناس دى زى الفل ...و ربنا يخليك لينا يا ريس...و موش كده و بس دا خبر فى الجرايد ان الريس كمان وافق على ان اللى قدموا كلهم ياخدوا اراضى موش قرعة بين عشرين الف بس زى ما كان متفق عليه...خلى الشباب يتجوز و يتستر...

بعد كده ...تمر الشهور تلو الشهور و برضه لا حس ولا خبر و كل شوية نتصل نسأل يقولولنا لسه...لما يجيلك الجواب التانى...

موقع مشروع ابنى بيتك فى 6اكتوبر

فى خلال هذه الشهور انا احساسى بقى مختلف...فى بيت بقى ممكن يوجد عن قريب...فى حلم ممكن يتحقق عن قريب...و لذلك بقى ليا اهتمامات تانية غير طريقة هروب الحضرى لسويسرا و اختيار رئيس جمهورية للبنان و المعارك الضارية بين الحركة الشعبية و قبائل المسيرية فى ابييى فى جنوب السودان....يعنى بقيت بهتم اعرف هو سعر طن الحديد وصل كام دلوقتى...و طن الاسمنت وصل كام ...و مفيش مانع اتابع خبر جواز احمد عز بشاهيناز النجار ما هى جوازة اه مليش فيها قرايب بس ملمسه برضه مع سيخ الحديد اللى هستخدمه فى بناء بيتى للأسف الشديد...

تخيلوا مثلا انى عمرى ما كنت اتخيل انه هيجى اليوم اللى انزعج فيه انزعاج شديد بسبب زيادة اسعار المازوت بنسبة 100% لانى اصلا مكنتش اعرف يعنى ايه مازوت ولا بيستخدم فى ايه و لكن عرفت انه ده بالتبعية رفع سعر الطوب جدا و الطوب ده زى جوازة شاهيناز بالظبط ملمس مع بيتى اللى هبنيه....

السنة اللى انا قعدتها فى السودان دى بقى تحس ان مصر كانت مستنيانى اخرج منها بفارغ الصبر علشان تعلى كل الاسعار بشكل جنونى ....و تحصل الازمات الاقتصادية و العيش و البنزين والحديد و الاسمنت وغيره و غيره...لدرجة انى مكنتش مصدق التقارير بتاعت ازمة العيش دى لحد ما واحد صاحبى محامى ساكن فى شارعنا قالى انها بالفعل ازمة فى المنصورة عندنا...

طيب الحديد وصل 6500 للطن يا رجالة فين الجواب التانى فين الارض فين اى حاجة....

صورة ضوئية لاعلان الاهرام بتاريخ20 ابريل 2008 الماضى

ظهرت الحكومة اخيرا فى ابريل الماضى و قالتنا يلا يا ولاد هنسلمكم الاراضى علشان تبدأوا ....الله اكبر

بس هنسلم بالهداوة موش يوميا عايزين سربعه....بالهداوة ازاى يا حكومة دا الحديد وصل 6500 قصدى 7000 ...ماهو فى خلال كلامنا الاسعار متقفشى تستنانا...قالولنا اه بالهداوة ...يعنى هنسلم شوية الشهر ده و شوية الشهر الجاى و شوية اللى بعده و هكذا لحد ما نخلص اخر واحد فيكم فى 2010 ...

صورة محضر استلام ارض لاحد المستفيدين فى مدينة العاشر من رمضان

تخيلوا ...اه و الله العظيم فى 2010...و مع اول ارض اتسلمت لاول شاب واعد من شبابنا الحالم بالبيت وصلنا لسعر الطن 8000 جنيه بالصلاة على النبى...متسمعونى الصلاة على النبى..تخيل بقى لو انا واحد من اللى هيستلموا فى 2010 ...تفتكروا هيبقى الطن بكام و هبنى بكام ... اه الحمد الله ان الناس زمايللنا فى بدر و العاشر و السادات بدأوا يستلموا بس فين اكتوبر بقى فين بقيت الناس

تخيلوا الدور كان على حسبة التقديم كان هيكلفنا بتاع 35 الف جنيه او 40 الف على اكتر تقدير ...دلوقتى دا و انتا رافع ايديك موش هيقل عن 75 الف جنيه...الدور موش البيت و دلوقتى موش فى 2010 ....

شباب ابنى بيتك صرخ...شباب مصر اللى كان بيحلم قرر انه ميتنازلشى عن حلمه ...علشان كده انشئت جمعية اهلية اسمها جمعية ابنى بيتك ...جميعة لا تهدف الى ربح جميع اعضاءها و مجلس ادارتها و العاملين و القائمين عليها من الشباب اللى بيحلم ببيته فى المشروع...و عملتلها جروب على النت و بدأنا نعرف بعض بقى ونفكر مع بعض و نوحد افكارنا و مطالبنا...انا اه فى السودان بس عرفتهم عن طريق النت ببحثى عن كلمى ابنى بيتك على جوجل و اشتركت و شاركت بأفكار معاهم ...و دلوقتى بقى لينا مجتمع جديد اسمه ابنى بيتك بنبعت و نستقبل اكتر من 35 ايميل يوميا تقريبا.

صورة للإقرار اللى بنمضى عليه عند استلام الارض

الجروب ده فى ناس مختلفة الافكار و المدن و المستويات ...ولاد و بنات...يجمعهم حلم واحد و هو حلم ابنى بيتك...

الجروب ده بيفكر ازاى نتغلب على المشاكل اللى بتقابلنا دلوقتى و اللى نقدر نلخصها فى التالى:

تأخر تسلم الارض و بالتالى استمرار حرب زيادة الاسعار اللى ملهاش سقف و بالتالى كل يوم تأخير بيصعب مهمة تحقيق الحلم و القدرة على البناء.

التغلب على مافيا تجار الاراضى و سماسرة التسقيع اللى بيلعبوا على الشباب علشان يبيعوا الاراضى بتاعتهم دلوقتى...

التغلب على مشكلة الحديد بأننا نفكر فى افكار مبتكرة للبناء بعيدا عن الحديد زى فكرة الحوائط الحاملة اللى تبناها مشكورا المهندس ممدوح حمزة و اتبرع انه يجهز التصميمات الخاصة بيها مجانا خدمة للشباب و للمشروع.

المهندس ممدوح حمزة الاستشارى العالمى مع الاستاذ محمود العسقلانى من مواطنون ضد الغلاء فى اجتماع مع اعضاء الجمعية

مواجهة المقاولين اللى اكيد هيلعبوا بينا لما يلاقوا فوق ال 90 الف شاب عايزين يبنوا بيتوهم فى نفس الوقت و مضطرين علشان الارض متتسحبشى منهم...

1. 
   
   
   
   و المطالب اللى متبنياها الجروب برضه محددة الى حد ما علشان مجزمشى او اتكلم بإسمهم و لكنها اهم المطالب تتمثل فى الاتى:
   
   ان تتبنى الوزارة فكرة البناء بالحوائط الحاملة كبديل للبناء بالخرسانة المسلحة اللى بتكلفنا كم حديد كتير جدا و بالتالى نخفض تكلفة البناء...
   
   هذه الحوائط الحاملة بتاخد جزء اكبر من المساحة و لذلك نأمل بأن يزيد مساحة الارض المسموح بالبناء عليها الى 90 متر بدلآ من المساحة المسموح بها حاليا لتعويض الفارق...
   
   زيادة الدعم من 15 الف الى 30 الف جنيه جيث ان الاسعار حتى الان زادت الى اكثر من 120% و بالتالى فمن المنطقى زيادة الدعم الى على الاقل الضعف.
   
   زيادة المدة المسموح بها للبناء من سنة الى اكثر من ذلك
   
   سرعة تسليم الاراضى للمنتفعين .
   
   كل اللى له ارض فى ابنى بيتك او يعرف حد ليه ارض فى ابنى بيتك ياريت يشاركنا فى مجتمعنا الافتراضى على الياهو جروب من خلال اللينك ده
   
   http://groups.yahoo.com/group/ibnybetk
   
   الاشتراك فى الجمعية غاية فى البساطة... الامر محتاج فقط صورة البطاقة الشخصية وصورة شخصية وسداد اشتراك 20 جنية ورسم كارنية 5 جنية فقط لاغير او دفع مصاريف الاشتراك فى حساب الجمعيه فى اى فرع من فروع بنك الاسكان و التعميررقم الحساب هو 5020 /109411 بنك التعمير والاسكان - فرع الزمالك
   وتصبح عضو معنا وتتمتع بالمزايا التى تسعى الجمعية لتحقيقها باذن الله..
   
   الجمعية مقرها : شارع رقم 41 ش 28 من ش طلعت حرب- مدينة التحرير – امبابة
   
   و حروب الجمعية كمان على الفيس بوك على الرابط التالى
   
   http://www.facebook.com/group.php?gid=12732995010
   

ادعولنا بقى يا جماعة نحقق الحلم و نبنى بيتنا بجد و توقيعى على التدوينة دى هو توقيعى فى ايميلات الجروب اللى بدأت اشارك فيها بإيجابية بقالى فترة.

باسم الشربينى
من مستفيدى أكتوبر
الخرطوم-السودان

الوضع العربى

الوضع العربى

و الله فكرت كتير اكتب عن الوضع العربى ...بس فضلت انى مكتبشى المرة دى لان كل الناس بتكتب و بتولول و بتهلل و بتتكلم ...موش هضيف حاجة ولا هقدر ابرز حقيقة مشكلتنا فى مصر و خلافنا مع سوريا دلوقتى ولا مع حماس فى غزة ...و حتى هقدر احل مشاكل لبنان و لا اوفق بين الفرقاء اللبنانين اللى فى الدوحة دلوقتى ....حلوة الفرقاء دى ...هما حفظوهالنا كده فى النشرات الفرقاء اللبنانيين...و كمان موش هحل مشاكل السودان الامنية و السياسية اللى بتزداد عمقا يوم بعد يوم حتى و انا قاعد فى قلب الخرطوم ....ناهيك بقى عن مشاكل العراق و جزر القمر و الصومال و غيرها و غيرها....

خلينا نشاهد المشهدالقادم الجميل قوى لمحمد صبحى اللى بيرصد الحالة بطريقة فنية رائعة

مستنى تعليقاتكم

غزوة أم درمان

غزوة ام درمان

مقالة نشرت لى على موقع عشرينات امس

باسم الشربينى- الخرطوم- السودان- 13/5/ 2008

الهوية: مصري مقيم في السودان

المكان: العاصمة الخرطوم

الزمان: السبت العاشر من مايو، الساعة السادسة صباحا..

ركبت سيارتي في اتجاهي إلى صالة الجيم Gym لأداء بعض التمارين الرياضية اليومية..

وعلى إذاعة الـbbc اسمع الخبر التالي: "استنفار أمني بين قوات الجيش السوداني لاحتمالية هجوم من متمردي حركة العدل والمساواة على العاصمة".استغربت كثيرا من الخبر فكيف يتم هذا الهجوم؟، كيف تبدأ القوات السودانية بالاستنفار في العاصمة السودانية الخرطوم؟ ..

لماذا لم تستنفر من خارج العاصمة التي تعتبر في كل الحروب أخر القلاع التي يمكن أن تسقط؟ ..كيف يتركوا أكثر من 400 سيارة لاند كروزر land Cruiser مفتوحة ومحملة بالعتاد والأسلحة والجنود المتمردين الذين يفوق عددهم 1000 مقاتل كي تقطع الصحراء لأكثر من 2000 كيلومتر من غرب السودان إلى العاصمة دون أن يعترضهم أحد حتى وصلت إلى مشارف الخرطوم ..

التغطية الإعلامية..

الساعة الثالثة عصرا .. أخبار تتناقل على الفضائيات عن اضطرابات في أم درمان وتبادل إطلاق نار، لكن للأسف الشديد.. الإعلام هنا تعامل مع الحدث بنفس مبدأ الإعلام المصري في نكسة 1967،

فلا يوجد غير الإعلام القومي فقط الذي من حقه تغطية الأحداث ومن خلال الاتصالات بشهود العيان..فمن خلال التليفزيون السوداني لا تجد غير أغاني وطنية، واستمر ذلك حتى الساعة السادسة والنصف، وهنا بدأت الأخبار تتواتر والصور تنقل عن "غزوة أم درمان" وكيف أن الجيش دحر الغزاة والمرتزقة ودمرهم شر تدمير وارتفعت الأصوات تشدوا بأناشيد النصر والتكبير والتهليل ..وعلى جميع القنوات تنقل الصور المأخوذة حصريا عن التليفزيون السوداني ..

ولا يحق لأي قناة من القنوات أن تقوم بالتصوير أو التغطية بنفسها حيث أن حظر التجوال قد قرر على جميع أنحاء الخرطوم.مرت الساعات وعلى قناة الجزيرة يظهر المتحدثين باسم حركة العدل والمساواة يعلنون استيلائهم على أم درمان، وأنهم في طريقهم للخرطوم وللقصر الرئاسي، وعلى قناة السودان الفضائية أحاديث عن دحر الغزاة ودك حصونهم وتدميرهم شر تدمير!

الهلال والمريخ

"ناديا الهلال والمريخ كوم والبلد كلها كوم تاني".. هذا هو لسان حال الشعب السوداني المنقسم إلى نصفين بين الناديين.. الأحد.. كان موعد مباراة الهلال مع فريق صن داونز الجنوب أفريقي على ملعب الأخير، وأيضا المريخ مع فريق الهضاب الزيمبابوي في أم درمان في بطولة دوري أبطال أفريقيا، ورغم أن حظر التجوال لا يزال ساريا، ولكنها مباريات كرة القدم التي لا تقف على أي شيء حتى و لو كانت محاولة انقلاب دموية قلبت امن البلاد رأسا على عقب!

.تمت مباراة المريخ في موعدها ولم يكن هناك موضع لقدم بالإستاد، والجماهير تشجع بجنون ولا استبعد أن يكون من بين الجمهور بعض المتمردين الذين قرروا المشاهدة ودعم المريخ ثم يعودوا للقتال بعد المباراة!!. الاثنين.. يصل الهلال إلى مطار الخرطوم مظفرا بالنصر والصعود إلى دور الثمانية.. ليجد حشود من الجماهير في استقباله في مطار الخرطوم متحدين حظر التجوال.. فهو الهلال وهي كرة القدم في السودان.

الموقف الراهن

المشكلة الآن - وبعد أن رفع حظر التجوال جزئيا في بعض المناطق ومنها الخرطوم- في حصر الخسائر لأنها غير محددة بالمرة.. رغم إعلان المدير العام للشرطة أن حوالي 400 من مقاتلي العدل والمساواة لقوا حتفهم بأم درمان، كما قتل نحو 100 من القوات النظامية بالإضافة إلى مصرع نساء وأطفال، مضيفا أنه تم تدمير 100 سيارة من أصل 400 استخدمت بالهجوم.

ها هي السودان ما إن تحاول الخروج من عنق الزجاجة حتى يقوم من يحاولون إسقاطها في مستنقع المشاكل والاضطرابات السياسية مرة أخرى .. فها هو الاستثمار في السودان يصل إلى أعلى معدلاته في جميع الاتجاهات الفترة الأخيرة والبلاد تشهد نهضة حقيقية في شتى المجالات والاستثمارات.. ولكن الأيدي الآثمة تأبى ذلك من أجل أجندتها الشخصية أو لارتباطها بأجندات دولية!!.

نكبة فلسطين 60عام

نكبة فلسطين 60عام

فى 15 مايو من كل عام

قلما حدث في التاريخ - وعلى الأقل في التاريخ الحديث - ان تقوم أقلية غاشمة من المحاربين الغرباء أصلاً بطرد أكثرية المواطنين من بلادهم وموطنهم الأصلي، وأزاحتهم بالقوة الغاشمة.
ومع ذلك فقد حدث هذا في فلسطين سنة 1948م حينما نفى اكثر من مليون فلسطيني تقريباً أو بعبارة أخرى أجبروا على الخروج من منازلهم ومدنهم وقراهم ، حيث سلبت أراضيهم وأملاكهم ومقتنياتهم وأصبحوا لاجئين بلا وطن ولا آية وسيلة من وسائل العيش.
القسم الأكبر منهم رحلوا طروا عرقياً إلى الأردن ، والى قطاع غزة، والضفة الغربية، والباقي إلى سوريا ولبنان ... فما أسباب نزوح هذا العدد الكبير؟

النكبة الفلسطينيةهي كارثة تدمير القرى الفلسطينية وطرد سكانها عام 1948

هي «قصة موت». بدايتها واحدة، واضحة كعين الشمس. مأساة بدأت ولم تنته. تتّخذ مع مرور كل عام شكلاً آخر. من عاصرها يعش مأساة الذكرى، ومن يَنْسَهَا، يعش تزوير الحقيقة. هي رواية عن حقيقة

النكبة، لا يمكن أن تكون حدثاً تاريخياً عادياً، هي قصة مكان كان ذات يوم آمناً، لكنّه طُهّر عرقياً. وكلما ابتعدنا عن حدوث النكبة، اتّضحت تفاصيل أخرى، كل واحد منها يشير إلى أنَّ الشعب الذي عاصر النكبة، ليس منكوباً قدر ما طُهّر عرقياً.يقول المؤرخ إيلان بابي، في ملخص كتابه «التطهير العرقي» الصادر حديثاً في بريطانيا ، «كان هدف إسرائيل عام 1948 معروفاً ونصت عليه الخطة «دال»، التي تبنّتها القيادة العليا للهاغاناة في آذار 1948. كان الهدف هو السيطرة على أكبر مساحات من فلسطين الانتدابية ومحو غالبية القرى والأحياء العربية في المدن الفلسطينية من حدود الدولة اليهودية المستقبلية. كان التنفيذ أكثر انتظاماً وشمولية مما رُسم في الخطة، وخلال سبعة أشهر، دمرت 531 قرية عربية وأُخلي 11 حياً عربياً من سكانه في المدن. رافقت الإخلاء والطرد الجماعي مجازر وعمليات اغتصاب وسجن للرجال (عرّف الرجال بأنهم الذكور الذين تجاوزوا العاشرة من العمر) في معسكرات العمل لفترات تجاوزت العام».

استطلاع رأى من داخل اسرائيل

اثار استطلاع رأي حول رغبة اليهود في فلسطين المحتلة في الهجرة ، قلقا بين صانعي القرار في الكيان الصهيوني ، لما اعتبروه خطرا على مستقبل الدولة والخريطة الديمغرافية ، اذ تبين ان 52% من اليهود قالوا ، ان الهجرة من دولتهم ، والانتقال للسكن في دولة اخرى ، مقابل 32% قالوا ، لا شيئ يمكن دفعهم الى مغادرة " اسرائيل " ، وقال 30 % انهم يشعرون بالخجل من كونهم اسرائليين .
الكيان الصهيوني الذي يعد العدة للاحتفال بقيام دولته قبل ستين عاما ، في حقيقة الامر انهم يحتفلون بهزيمتنا قبل ستين عاما ، و حضور بوش وغيره من الزعماء الغربيين في هذه المناسبة مؤشر، على تدني مستوى الغرب الامبريالي ، الذي لايخجل من جريمة اعطاء ارض فلسطين لليهود وطرد اهلها منها ، ليعبر وجود المخيمات الفلسطينية ، وتوزع الفلسطينيين في ارض الشتات ، عن المستوى الاخلاقي الاجرامي لدول الغرب عموما وللحركة الصهيونية على وجه الخصوص


المفتــاح الرمــز الأهــم في النكبــة!!!

يتحدث احد اللاجئين و يقول:
لا زال جدي يحتفظ بأوراق البيت الثبوتية التي تثبت ملكية الأرض وذلك المفتاح رأيت مثله مع جدي .. متشبث به حتى الموت وغال عليه جدا!! وكأنها تلك الشعرة التي توصل الروح بالجسد!!ونحن كذلك سنورث عن أجدادنا مفاتيح العودة سنعض على حقنا بالنواجذ .. ونبقى نحلم وننتظر يوماً نعود فيه إلى حيفا وعكا والرملة واللد وعسقلان وصفد ...!!ليس ذنبنا أنا خلقنا لاجئين .. طردنا من أوطاننا .. شردنـا .. قطعت أوصالنــا .. أقمنا قسـرا في مخيمات لبنان والأردن وسورية .. وهجرنا من أوطاننا!!ليس ذنب الواحد منا أنّا لجأنا إلى مخيمات الأمعري وقلنديا وجنين وعين الشمس والشاطئ والدهيشة وجباليا وعسكر ...!!ليس لواحد منا أي ذنب سوى أننا كنـا الضحية لمشروع صهيوني جاءت به بريطانيا بقرار مجحف وبغيض من وعد بلفور المشؤوم!!لكنا عازمون أن نتجذر أكثر في أرضنا ونتشبث بحق العودة بإرادتنا التي فاقت الجبال وأن نعووووود.. كل منـا إلى أرضه التي حدثنا عنها الأجداد ..!!إنهم يراهنون أننا سنُمْسَح ونَتَبَخــر بين ثنايا الزمان .. فقالوا أن كبيرهم يموت وصغيرهم ينسى وقال بعضهم بأنه يراهن على سياسة إسرائيل بأنها ستخلق من الفلسطينيين الشاب الجاهل المريض الضغيف لكنهـــم فشلوا ومراهنتهم باطلة!!لأننا لهذه اللحظة عازمــــون أن نعــود!!وإن متنا ولم نعـد .. يكفي أننا متنا على هذا العهد وذلك الوعد!!

فلتسقط اسرائيل فى ذكرى النكبة الستين

ابوعمر

تشيلسى و اليهود

تشيلسى و اليهود

في مباراة اتسمت بالاثارة والعاطفية، فاز فريق تشيلسي اللندني على ضيفه ليفربول في مباراة الاياب للدور شبه النهائي لبطولة دوري الابطال الاوروبية بثلاثة اهداف لهدفين، وحقق بذلك حلمه في التأهل لنهائي البطولة

وكان لقاء الذهاب الذي أُقيم على ملعب ليفربول انتهى بالتعادل 1-1 ليفوز تشيلسي بمجموع المباراتين 4-3
وقد انتهى وقت المباراة الاصلي بالتعادل 1-1

وبهذا النصر، تمكن تشيلسي من الوصول الى نهائي بطولة دوري الابطال، حيث سيواجه فريق مانشستر يونايتيد الذي دحر بالامس نادي برشلونة الاسباني على ارضه

وستجري المباراة النهائية للبطولة في موسكو في الحادي والعشرين من شهر مايو المقبل

الى هنا انتهى الخبر الرياضى...المباراة شاهدتها امس و انا فى غاية الاستمتاع باللعب و القوة و السرعة و من قبلها بليلة كانت المباراة الاروع بين برشولونة و مانشستر التى انتهت بفوز الاخير بهدف و الذى ارشحه بكل قوة لنيل اللقب هذا العام...

اين اللقطة التى من اجلها كتبت التدوينة دى...اللقطة فى الصهيونى (افرايم جرانت) اللقطة فى انى بجد كنت بحب تشيلسى زمان ايام مورينو و على قد ما حبيته الفريق ده على قد ما كرهته بعد ما ترك النادى و احتله الصهاينه بداية من بن خاييم اللى دخل النادى فى اوائل 2007 و مرورا بالمدرب افرايم حاييم اللى دخل النادى بنفس اسلوبهم القذر عن طريق واسطة من مالك النادى الروسى رومان ابراموفيتش اليهودى الذى ادخله النادى فى يوليو 2007 بمنصب مدير الكرة بالنادى على غير هوى و لا رغبة من مورينو و بدأ فى بث فتنه و افتعال المشاكل و الوقيعة بين جوزيه مورينو و ابراموفيتش حتى ابعده عن الفريق و ارغمه على ترك النادى فى سبتمبر و اقتنص الفرصة و اصبح المدير الفنى لفريق البلوز...

هؤلاء هم اليهود ....هذا هو اسلوبهم...

قبل مباراة امس شنت الصحافة الاسرائلية هجمة شرسة على افرايم جرانت بسبب ان المباراة تتوافق مع الثلاثين من ابريل اليوم الذى لا يعملون فيه بسبب احيائهم لذكرى محرقة الهولوكست المزعومة .. و لكن الرجل قاد المباراة الى الفوز و شاهدناه جميها و هو يلبس شارة سوداء عليها نجمتهم الملعونة و ركع على الارض فى ليصلى صلاة نصر بعد المباراة مباشرة بعد ان خلع جاكته الاسود لكى تكون الشارة السوداء ظاهرة على القيص الابيض و ليرى العالم ما فعل و ما يدعو له....

هل يا ترى يمكن ان يتحدث الاعلام عن استهلاكهم للسياسة و الدين فى الرياضة و تشن عليه حملة شعواء مثل التى شنت على ابوتريكة فى كأس الامم الماضية...هل يا ترى ستحذف صوره من على جوجل كما حدث ما ابو تريكة الذى ببساطة شديدة كل ما تود فعله للتأكد من ذلك ان تكتب كلمة ابوتريكة غزة على جوجل ستظهر لك صور الغانى يحمل علم اسرائيل و لن تجد لصور تعاطف ابوتريكة مع غزة اى اثر....

اتمنى من كل قلبى فوز مانشتر باللقب لانه بالفعل اجدر به...و كذلك كنت اشجع امس ليفربول من كل قلبى ولا اكنه الاهلى فى زمانه....كنت بتعامل مع جيرارد على انه احمد فتحى و مع توريس على انه عماد متعب مع الفارق فرجالتنا اكيد احرف بكتير مفيش شك فى ده.... و عايز أاكد انى بهزر يا جدعان علشان اللى بهرجوا فى الهزار ساعات بيتفهموا غلط...ينفع نقارن بين ليفر و الاهلى بس مينفعشى نقارن بين جيرارد ولا توريس و رجالتنا مع كامل احترامنا لرجالتنا ...فالفرق كبير