كما انه هناك حقوق للاباء على الابناء من بر و احترام و توقير و غيره فهناك حقوق للابناء على الاباء كثيرة و منها تسميته و الاذان فى اذنه عقب الولادة و احسان تربيته والنفقة عليه و الرحمة و التلطف بالاولاد و كذلك احسان تربية البنات و الوعظ لهن عندما يصبحن متزوجات و من اهم حقوق الابناء على الاباء هو حق العقيقة.
موش هدخل فى تفاصيل احكام العقيقة و الذى يريد الاستزادة يمكنه الرجوع الى هذا الكتاب (احكام العقيقة)
نعلن من موقع عمر افندى الرسمى عن الحدث الاهم فى اجازة مصر القادمة و هو عقيقة عمر افندى و التى ستكون رابع ايام عيد الاضحى المبارك السبت الموافق 22 ديسمبر فى تمام الساعة الثالثة بنادى المهندسين بطلخا دقهلية و المدعوون محددون بالاسم نظرا لمحدودية اللحمة طبعا وسيتم ارسال دعوات خاصة لهم عبر الموبايل و برجاء من الجميع تأكيد الحضور بارسال اس ام اس عبر الهاتف الموجود فى الدعوة.
عمر افندى يقوم بارسال الدعوات عبر الموبايل
خريطة المكان من المنصورة حتى يسهل على الجميع الوصول اليه من مختلف المحافظات كما هو موضح بالرسم التالى
الحضور باى ملابس فلا يشترط ملابس رسمية و كذلك لا يشترط هدايا لعمر افندى و سيكون هو فى اوائل المستقبلين على باب القاعة.
الف مبروك يا عمر و ربنا يتقبل من والديك
ReplyDeleteشكلك زى العسل بالطاقية و انتا واقف تستقبل الناس
انا مستنية رسالة بقى علشان اجى اسلم عليك بنفسى
انا منى
ReplyDeletealf mabroook ya 2ostaz Omar Afandi beh :D
ReplyDeletewen sha2allah 3eed sa3eeed leek we leek bardo ya baba bassem :)
kol sana wenta tayeb
Sarah Nassar
ألف مبروك يا عموووور
ReplyDeleteوربنا يكرمك ويبارك فيك وتكون كما عمر الفاروق وعمر ين عبدالعزيز وعمر المختار وعمر التلمساني .... وكل الصالحين
حمادة
عقيقه مبروكه أن شاء الله - وعيد سعيد عليك وعلى أبوك وعلى كل المسلمين بأذن الله
ReplyDeleteأعز أصدقاء أبوك
خالد الحداد - الرياض
عيد سعيد وعقيقة مبروكة عليك وعلى بابا / باسم وكل سنة وانتو طيبين
ReplyDeleteبارك الله فيك يا أبا عمر أن حرصت على إقامة السنة، ونسأله جل جلاله أن تكون دائما من المحافظين على سنن الإسلام وشعائره، ونسأله تبارك وتعالى أن يبارك في عمر أفندي وأن ينبته نباتًا حسنًا.
ReplyDeleteأخوك
محمد فتحي النادي
كل عام وانت بخير يا عمر بك
ReplyDeleteتقبل الله من ابوك
وعقبال وليمة العرس
اصلحك الله وجعلك من الحفظة الصالحين المصلحين الفاتحين الذين يفتح الله على ايديهم باذن الله
على الباز
عقبال مانحضر يوم فرحك ياعمر
ReplyDeleteكل سنة وانت طيب يا احلى عمر
ReplyDeleteشكلك زى القمر بالطاقية
waiting ur Sms Bassem
العيد فرحة ماء ماء ماااااااااء
الف مبروك يا عمر ان بابا فك الكيس ةهايعمل لك عقيقة وده شيء يعني انك عزيز عليه جداً
ReplyDeleteعلى فكرة لو ضحك عليك انت ومامتك ودبح جدي ولا خروف سيبك منه وما تحضرش واطلب من البيت الهابي ميل من ماكدونالد . . احسن لك يا بني على الأقل هاتطلع بلعبة
بص من الآخر يا بابا يدبح لك جمل يا بلاش . . يا راجل ده ما يجيش على شحطتك ما بين مجاهل الملكة وأدغال السودان والتسييح اللي مسيحهولك في الفضاء السيبري
بالمناسبة في التدريبات اللي بنديها بنعرف الناس بفكرة التدوين ومدونتك يا عم عمر دخلت نص جامعات مصر وقراها عمداء ورؤساء جامعات وناس كتير من اللي بيفكوا الخط باعتبار انها من المدونات القليلة المحافظة على فكرة التدوين كتعبير عن حالة شخصية مش حالة سياسية
الف مبروك العقيقة وعقبال الوكيرة
كل عام وأنت بخير ياعمر
ReplyDeleteوعقبال ماتكبر وتكون فخر لبباك وممتك
وبجد يابختك بأبوك ياسي عمر
كل سنه و انت طيب يا عمر باشا افندى طويل العمر يطول عمره و ينصرك على من يعاديك هاى هيق و عقبال لما نشوفك بتدون لأولادك إن شاء الله
ReplyDeleteو كل عقيقه و انت طيب و الفييييييين مبروك
ReplyDeleteبورك فيك يا عمر وانبتك الله نباتا حسنا وجعلك بارا بوالديك
ReplyDeleteورزقك الله طول العمر وحسن العمل
يا اخى والله الواحد مش عارف يقول ايه بس ليه يا ابو عمر جاى فى عيد اللحمه وتعمل العقيقة ماشى الكلام مش فى حلو فى القاعدة ولا ايه المهم توصلوا بالسلامة والمهم فى الموضوع الشلة تكون مجمعة ذى زمان وماتكونشى آخر عقيقة وتقلب بعد كده.(اكل طعامكم الابرار وصلت عليكم الملائكة وذكركم الله فى من عنده ) وماشى الحال جزاكم الله خيرا
ReplyDeleteالسلام عليكم و رحمة الله و بركاته
ReplyDeleteاولا كل سنة و انت طيب يا عمورة... تتربي فى عز بابا .. و مستنيه اشوف الصور بلبس العيد
ثانيا : ادام الله طاعتكم و احياءكم للسنة ... يا ريت كنت من المنصورة كنت جيت يا عمورة ... عقبال كدا اخوك او اختك
اخى ابو عمر ... كل عام و انت الى الله اقرب و عن نيرانه ابعد و توصلوا مصر بالسلامة ان شاء الله
مبروك يا عموووور يا عسل
ReplyDeleteوربنا يبارك فيك ويحفظك ويخليلك والديك.(اكل طعامكم الابرار وصلت عليكم الملائكة وذكركم الله فى من عنده)ء
وعيد سعيد عليكم بإذن الله
ومستنيين الصور
ماشي ياعم عمر هانيجي وامرنا لله ارض المنصورةالطاهرة المبهرة العامرة الكل حاجة"على رأي عمي طارق عبد المحسن" مخصوص علشان ابوك حبيب قلبي ما يزعلش .....بس طبعا انا ليا شرط.....اني مش هاكل زي كل الناس .لا انا ليا طبق مخصوص كده بما لذ وطاب من الهبر ....ع العموم كل سنة وانتو طيبين واتجدعن بقا ياعمر عايزين نجوزك ....بس ياترى الراجل بتاع البسبوسة هيرضى يرجع البسبوسة ولا ايه
ReplyDeleteعمك احمد اللي لبس البسبوسة
ألف مبروك يا عمر
ReplyDeleteكانت مفاجأة ظريفة وانا داخل النادي ولقيت السهم بيشاور على مكان العقيقة
حسيت إن العالم الافتراضي ورايا ورايا في الواقع
ألف مبروك وربنا يجعلك من الصالحين
الف مبروك لعمر وابوة
ReplyDeleteوعجبتنى جدا المقطوعة بتاع الواجبات والحقوق بين الاباء والابناء مع انها صغيرة ومش مليانة
فكرتنى بمشروع بحاول اعملة عن التربية
اه ... على فكرة انا جاى من عند عصفور المدينة على هنا علطول وكمان علقت بعدية
مبروووك يا عمر
ReplyDeleteوربنا يباركلكم فيه ويكون قرة عين لكم
وادينا اهوه يا عم عمر بنكتبلك تهانى فى العقيقة بتاعتك عشان فى يوم تشوف الحاجات دى لما تكبر وتفتكرنا بدعوة ولا حاجة
:1
أسماء
Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.
ReplyDeleteالفروت سالاد جامد موت يا باسم
ReplyDeleteربنا يباركلك فى الفروت سالاد ..آسف
عمر أفندى
مصطفى محمود
معلش انا بكتب متاخر بس ماكنتش بفتح الميل المبعوت عليه الرساله من فتره واعتذر ايضا عن عدم حضورى العقيقه لان ايام العيد كانت مشغوله عندى جدا
ReplyDeleteاما بخصوص التعليق فالحاجه الوحيده اللى عاوز اقولها انى نفسى فعلا اشوف الواد ده قوى بقى ذى العسل ما شاء الله ولا قوه الا بالله وربنا يباركلك فيه يا باسم ويحقق امانيك فيه
معتز الصاوى