عايز اقولك انى عمرى ما فكرت يوم انى هعمل مدونة ...بس حسيت انى لما هعمل كدة ممكن اعبر من مدى الحزن الشديد اللى انا فيه على فراقك...
يمكن ميوصلكشى الكلام ده بس بجد و الله يا قصاص كم يحزننى فراقك
انا موش بعرف اكتب يا جماعة ولا بعرف اقول كلام منمق بس بجد انا عملت المدونة دى مخصوص علشان اقول لقصاص انك هتوحشنى و انى بدعى من كل قلبى ان ربنا يرجعك و تعود لوالدك و والدتك و خطيبتك سالم غانم .
قصاص يا جماعة هو اللى عمرنا ما ندخل عند اى حد من اصحابنا و نفتكر نشتريله حاجة غير ما يكون هو اللى فاكر حاجة زى كده...قصاص هو اللى كان بيتابع معايا حاله والدى المرضية (رحمه الله) لمدة عام كامل بكل تفاصيلها الصغيرة و الكبيرة اكتر من لما كان محمد اخويا بيعمل .
قصاص اللى عند وفاة والدى ملقيتشى حد ابعتله رساله ابلغه غيره و على بعد 220 كيلوا و لقيته اول الموجودين فى صلاة الجنازة و اخر من غادر المقبرة معى...و هو من قام بلغ كل اصحابى و لقيتهم حواليا بيدعمونى ...
قصاص هو اخر واحد زارنى فى بيتى و صينية البسبوسة اللى جابهالى و هو جاى لسه مفتحتهاش لحد دلوقتى
و الله يا محمد علشان حب الناس دا ليك ربنا هيرجعلك لينا و فى اقرب فرصة
لسه موش عارف هعمل ايه تانى بالمدونة دى بعد كده بس انا كده عامة ارتحت
أبو عمر
بيني وبينك يا باسم قصاص يستاهل اكتر من مدونة
ReplyDeleteبس يبك انت . . واضح ان صينية البسبوسة عملت معاك شغل جامد طحن لدرجة انك تخرج من مكمنك وتدون
انا عايزك تراجع نفسك وتحدد المدونة دي علشان البسبوسة ولا قصاص :)
دايماً في القلب يا قصاص
دايماً في القلب يا ثقباوية
قصاص قلب كبييييييييييييير بكل معنى الكلمة
ReplyDeleteThis comment has been removed by a blog administrator.
ReplyDeleteخطوة جريئة من صديق مخلص لصديقه الذي اعتبره أكثر من أخ.
ReplyDeleteنسأل الله أن يفرج الكرب عن القصاص وكل من معه في السجون
اشتدي أزمة تنفرجي
قد آذن ليلك بالبلج
أخوك/ محمد فتحي
انا بعد ما اشتغلت في الشركة بتاعتكدبة وانا قلت خلاص بقي باسم نفسه كبرت غلينا وكمان بطل يخش في الغميق علشان شغله بس بعد المدونة دية اكتشفت اني كنت علي غلط وان باسم اكبر من مما كنت اتصور
ReplyDeleteوانه مهما انشغل في الدنيا هايفضل فيه حتة تلعلع لما الخبط يزيد
الف مبروك وصدقني انا سعيد جدا
والقصاص مش هاتكلم عنه لاني مش عاوفيه حقه
السلام عليكم ورحمة الله و بركاته
ReplyDeleteآسفة إذا كان ردى تأخر على مدونة حضرتك بس أنا اول مرة اشوفها انهاردة
تأكد حضرتك إن انا هاوصله كلامك بإذن الله و جزاكم الله خيرا على اللى حضرتك كتبته...و متنساهوش فى دعائك
خطيبة القصاص